جێرارد لە یانەیەکی ئینگلیزییەوە ئۆفەرێکی پێدەگات

یاریگا –

یانەیەکی ئینگلیزی ئامانجیەتی ستیڤن جێرارد قایل بکات بۆ ئەوەی ببێتە راهێنەری یانەکە بۆ وەرزی داهاتوو، ئەویش بیر لە گەڕانەوە بۆ کاری راهێنەرایەتی لە ئینگلتەرا دەکاتەوە.

ئەستێرە گەورەکەی پێشووی لیڤەرپوول ناوی بە یانەی بێرنلیی دابەزیویشەوە بەستراوەتەوە و پێدەچێت کە ئامادە بێت لە چامپیۆنشیپدا کار بکات. جێرارد لەوەتەی لە 2025ـەوە یانەی ئیتیفاقی لە خولی سعوودی جێهێشتووە، بێکارە.

باس لەوە دەکرێت بریستڵ سیتی پڕۆژەیەکی سەرنجڕاکێشی خستووەتەڕوو بۆ ئەوەی ئەو راهێنەرە تەمەن 45 ساڵە قایل بکات. ئەگەر جێرارد کارەکەی ئاشتن گەیت وەربگرێت، کە دەگوترێت خۆی بۆ ئەو هەنگاوە ئامادەیە، دەبێتە جێگرەوەی رۆی هۆدسن، راهێنەری پێشوو لە لیڤەرپوول و هەڵبژاردەی ئینگلتەرا، کە ئێستا بە شێوەیەکی کاتی راهێنەرە.

Bristol City want to appoint Steven Gerrard as manager, according to the i Paper 🚨📰 pic.twitter.com/R05No8qRVu

— Sky Sports News (@SkySportsNews) April 28, 2026

دەگوترێت جێرارد بە پەرۆشە بۆ ئەوەی بە زووترین کات بگەڕێتەوە نێو کاری راهێنەرایەتی.

بە هەمان شێوە زۆرێک لە یاریزانەکانی سەردەمی ئەو سەرنجیان داوەتە ئەو رێزە نوێیەی بۆ فرانک لامپارد دروست بووە دوای کارەکانی لە کۆڤێنتری سیتی. ئێستا ژمارەیەکی زیاتر لەو کەسایەتییانە ئامادەن هەمان هەنگاو بنێن و هەردوو یانەی بریستڵ سیتی و بێرنلی هەلی کارکردنی سەرنجڕاکێش بە شێوازی جیاواز پێشکەش دەکەن.

دوایین کاری جێرارد لە ئینگلتەرا لەگەڵ ئاستۆن ڤێلا بوو، کە لە تشرینی یەکەمی 2022 جێی هێشت، دوای ئەوەی پێشتر یانەی رەینجەرزی بە نازناوی خولی سکۆتلەندی گەیاندبوو.