کەیسی سیبایۆس یانەکە دەهەژێنێت؛ بۆچی ئاربێلوا بانگێشتی ناکات؟

یاریگا –

لە بەرنامەی SER Deportivos، خاڤیێر هێرایز هۆکاری دوورخستنەوەی دانی سیبایۆسی لە لیستی ریال مەدرید بۆ یارییەکەی بەرامبەر ریال بێتیس روونکردەوە.

ریال مەدرید بەرەو کۆتایی وەرز هەنگاو دەنێت لە نێو کۆمەڵێک گومان و دۆخێکی ئاڵۆزدا. بە جیاوازی هەشت خاڵ لە دوای بارسێلۆناوەن، جیاوازییەک کە وای کردووە نازناوەکە نزیک بێت لە ئەستەم، هەروەها تیمەکە بەدەست لیستێکی درێژی دابڕانەکانەوە دەیناڵێنێت.

پێکانەکانی ئێدێر میلیتاو و ئاردا گولەر، کە هەردووکیان ئەم وەرزە بۆیان کۆتایی هاتووە، بۆ پێکهاتەکە گورزێکی گەورە بوون. بارودۆخەکە پێش یارییەکەی بێتیس خراپتر دەبێت، چونکە ئۆرێلیەن چوامێنیش بەهۆی کێشەی جەستەییەوە ئامادە نابێت، بەڵام دابڕانی سیبایۆس لەوە زیاترە کە تەنیا هۆکاری وەرزشی بێت.

سیبایۆس پێی وایە شایستەی خولەکی زیاترە

هێرایز تیشکی خستەسەر دۆخی یاریزانەکە و ململانێیەکی نێوخۆیی لەگەڵ ئەلڤارۆ ئاربێلوای راهێنەر ئاشکرا دەکات و دەڵێت:

سیبایۆس ئامادە نەبوو چونکە… ساڵێکی زۆر خراپی هەبوو، بڕیاری تەکنیکی بوون. بەرامبەر بێتیس بانگێشت نەکرا چونکە ناکۆکی لەگەڵ راهێنەر هەبووە. ئەو پێکان بوو، هەروەها پێی وایە شایستەی خولەکی زیاتر بووە لەوەی ئاربێلوا پێی داوە. یاریزانی لاو لە پێکهاتەکەدا هەن، بێگومان، بەڵام بۆ من هەواڵە گەورەکە ئەوەیە دانی سیبایۆس بانگهێشت نەکرابوو. چوامینیش ئامادە نەبوو، بەڵام ئەوە دۆخێکی جیاوازە، هیچ پەیوەندییەکی بە سیبایۆسەوە نییە.

لەم نێوەندەدا، هێرایز هەڵسەنگاندنێکی راشکاوانەی بۆ دەرفەتی مەدرید بۆ نازناوەکە کرد و گوتی:

مەدرید هەوڵیدا سێ خاڵەکە بەدەستبهێنێت، بەڵام نابێت کەس وابیربکاتەوە ئەوان بۆ ئەم خولە دەجەنگن. پێم وایە و هێشتا لەسەر هەمان بڕوام کە ئەوان ئاستیان وەکوو پێویست نەبووە، تەنیا لە چامپیۆنزلیگ نەبێت.