یاریگا –
شەوی رابردوو، لاپەڕەیەکی نوێ لە مێژووی ریال مەدرید هەڵدرایەوە.
جۆزێ مۆرینیۆ، راهێنەری نوێی یانەی شاهانە، لە یەکەم کۆبوونەوەی فەرمیدا لەگەڵ تیمی بەڕێوەبەری یانەکە دەرکەوت. کۆبوونەوەکە درێژخایەن بوو و تێیدا وردەکارییەکانی پلانی داهاتوو، دەستنیشانکردنی پێگەی یاریزانەکان و ستراتیژی گواستنەوەکان تاوتوێ کرا.
کەی مۆرینیۆ بە فەرمی دەناسێندرێت؟
سەرەڕای ئەوەی مۆرینیۆ دەستبەجێ دەستی بە کارکردن کردووە لەسەر کێشە تەکنیکی و وەرزشییەکان، بەڵام بڕیار وایە ناساندنی فەرمی ئەو بۆ میدیاکان و هاندەری ریال مەدرید دوابخرێت.
بەگوێرەی زانیارییەکانی فابریزیۆ رۆمانۆ، یانەکە پلانی هەیە لە مانگی تەمموز ئاهەنگێکی گەورەی ناساندن بۆ مۆرینیۆ رێکبخات و وەکوو پاڵەوانێک لە بێرنابیۆ پێشانی جیهانی بدەن، نەک لەم کاتەی ئێستا.
🚨 Initial meeting at Real Madrid took place last night with management team and José Mourinho involved.
Long meeting to discuss players/strategies.
Mourinho, expected to be presented to the press and fans in July — and not now. ❗️ pic.twitter.com/8pz30irefM
— Fabrizio Romano (@FabrizioRomano) June 10, 2026
چی لە کۆبوونەوەکەدا گوزەرا؟
هەمان سەرچاوە ئەوەشی خستووەتەڕوو، کۆبوونەوەکە زۆر چڕ بووە و سەرنجی سەرەکی لەسەر بەهێزکردنی ئەو پێگانە بوو کە یانەکە پێویستی پێیەتی. مۆرینیۆ کە بە وردبینی و توندوتۆڵی لە پلانداناندا ناسراوە، لیستێکی سەرەتایی پێشکەش بە کارگێڕیی یانەکە کردووە بۆ ئەوەی پێش دەستپێکردنی وەرزی نوێ یەکلایی بکرێتەوە.
