یاریگا –
ئەستێرەیەکی ریال مەدرید چەند مانگێکی کەمی ماوە لە وادەی بەسەرچوونی ماوەی گرێبەستەکەی لەگەڵ ریال مەدرید، بەڵام یانەکەی هەڵوێستێکی ئەرێنی بەرامبەر هەیە.
دانی کارڤاخال، کە کوڕی ریال مەدریدە و لەوەتەی دەستپێکردنی یاریی تۆپی پێ هەر لەو یانەیەیە جگە لە و ساڵەی (هاوینی 2012 تا هاوینی ساڵی دواتر) لە ریزەکانی لیڤەرکوزن بوو، ئەم هاوینە گرێبەستەکەی لەگەڵ شاهانەکان بەسەردەچێت.
بەگوێرەی زانیارییەکانی رۆژنامەی مارکا، لەگەڵ ئەوەی کارگێڕی ریال مەدرید دەزانن تەنها چەند مانگێکی کەم ماوە لە گرێبەستی کاپتنەکەیان، بەڵام هێشتا رێز لە بڕیاری بەرگریکارەکەیان دەگرن لەپای ئەو خزمەتە زۆرەی بە یانەکەیانی پێشکەش کردووە.
کارڤاخال یەکێکە لە پڕ دەستکەوتترین یاریزانەکانی مێژووی مێرێنگی کە لە ماوەی 13 ساڵی پیشەگەرێتی لەگەڵ یانە مەدریدیەکە توانیویەتی نزیکەی 30 نازناو بباتەوە. لە نێویاندا 6 چامپیۆنزلیگ و 4 جار خولی ئیسپانییە.
لە درێژەی زانیارییەکاندا سەرچاوەکە هۆکاری ئەو هەڵوێستەی ریال مەدریدی ئاشکراکردووە و نووسیویەتی کە بۆ ئەوە دەگەرێتەوە کاڤاخال خاوەنی کەسایەتیەکی بەهێزە و کاریگەریی هەیە لەسەر ژووری خۆگۆڕینی یانەکە. هەربۆیەش قسەی کۆتاییان هێشتووەتەوە بۆ ئەستێرە 34 ساڵیەکە ئەگەر بیەوێت بڕیاری مانەوە بدات.
🚨 Información sobre el FUTURO de Dani Carvajal 🚨
El contrato del latera expira en junio, pero el Real Madrid respetará los deseos del capitán
Carvajal es toda una institución en el club y en el vestuario, por lo que tendrá la última palabra sobre su continuidad en caso de… pic.twitter.com/xxp0UTQ41K
— Madrid Sports (@MadridSports_) April 18, 2026
