بانگهێشت کراوە؛ خوان لاپۆرتا دەچێتە مەدرید

یاریگا –

خوان لاپۆرتا لەگەڵ یانەی بارسێلۆنا گەشتی مەدرید دەکات بۆ رووبەڕووبوونەوە یەکلاکەرەوەکەی بەرامبەر ئاتلێتیکۆ مەدرید، بە بوونی بڕوایەکی تەواو بە گەڕانەوە.

سەرۆکی هەڵبژێردراو نایەوێت یارییە چارەنووسسازەکەی یاریگای میترۆپۆلیتانۆ لەدەست بدات و پەیوەندی بە پێکهاتەکەوە دەکات، بە هیوای قەرەبووکردنەوەی شکستی 2-0 لە یاریی چوون و گەیشتن بە قۆناخی پێشکۆتایی خولی یانە پاڵەوانەکانی ئەوروپا.

هەرچەندە رافا یوستێ وەکوو سەرۆکی بەوەکالەت بە شێوەیەکی فەرمی سەرۆکایەتی شاندەکە دەکات، بەڵام یاریزانەکانیش هەست بە پاڵپشتی لاپۆرتا دەکەن، کە لەنێو ژووری خۆگۆڕیندا بەهایەکی زۆری هەیە و تاوەکوو 1ـی تەممووز/یۆلیۆ بە شێوەیەکی فەرمی دەستبەکار نابێت.

لاپۆرتا لە لایەن ئێنریکێ سێرێزۆ، سەرۆکی ئاتلێتیکۆ مەدریدەوە بانگهێشتی شوێنی تایبەتی بەڕێوەبەران کراوە، ئەویش ئەم هەلەی قۆستووەتەوە بۆ ئەوەی لە تیمەکەوە نزیک بێت و شانبەشانی هانزی فلیکی راهێنەر و یاریزانەکان پێش یارییە گرنگەکە یەکڕیزیی تیمەکە بەهێزتر بکات.