مۆرینهۆ بێ هیوا بووە و هێرشیکردە سەر یاریزانەکانی

خۆسێ مۆرینهۆ راهێنەری بەنفیکا رەخنە لە بەشێک لە یاریزانەکانی دەگرێت پاش لەدەستدانی دوو خاڵی دیکە و بێ هیوابوون لە ناسناوی ئەم وەرزەی خولی پۆرتوگالی.

مۆرینیۆ، ڕاهێنەری ناوداری جیهانی، بە سیمایەکی خەمبار و نائومێدەوە دوای یەکسانبوونی یانەی بێنفیکا بەرامبەر کاسا پیا بە ئەنجامی1-1،  بە کردەوە دەستبەرداربوونی یانەکەی لە کێبڕکێی نازناوی خولی پورتوگال ڕاگەیاند. ئەم ڕاهێنەرە ئەفسانەییە گومانی خستە سەر تینوێتی پیشەگەریی هەندێک لە ئەندامانی تیپەکەی و ئاماژەی بەوە کرد کە ئەوان “هەناسەی تۆپی پێ نادەن”، ئەمەش دوای ئەوەی هەڵەیەکی بەرگری وایکرد پێشەنگبوونی یانەکە و سێ خاڵی گرنگ لەدەست بچێت، سەرەڕای ئەوەی کۆنتڕۆڵی تەواوی یارییەکەیان لەدەستدا بوو.

هەوڵەکانی بێنفیکا بۆ بەدەستهێنانی تاجی پاشایەتی پورتوگال لە شاری “ڕیۆ مایۆر” گورزێکی کوشندەی بەرکەوت کاتێک لەلایەن تیپی کاسا پیا ڕاگیران. بێنفیکا بە تەواوی باڵادەست بوو بەسەر یاریگادا و 18لێدانی هەبوو و خاوەنی **78٪**ی کۆنتڕۆڵی تۆپ بوو، بەڵام هەڵۆکان (نازناوی بێنفیکا) لێهاتوویی پێویستیان نەبوو بۆ یەکلاکردنەوەی گۆڵەکان و تەنها 3 لێدانیان ناو گۆڵ بوو.

لە خولەکی 68دا ڕیچارد ڕیۆس توانی بەربەستەکە بشکێنێت و گۆڵی یەکەم تۆمار بکات، بەڵام تەنها دە خولەک دواتر، هەڵەیەکی بەرگری کارەساتبار لەلایەن ئەنتۆنیۆ سیلواوە ڕێگەی بە ڕافایل بریتۆ دا گۆڵی یەکسانبوون تۆمار بکات. ئەم ئەنجامە وایکرد بێنفیکا بە جیاوازی ٧ خاڵ لە پێشەنگی خولەکە دوور بکەوێتەوە.

ڕەخنە توندەکانی مۆرینیۆ

دوای فیکەی کۆتایی، مۆرینیۆ زۆر بە توندی هەڵسەنگاندنی بۆ ئەنجامەکە کرد و خەمباری خۆی دەربڕی بۆ لەدەستدانی کۆنتڕۆڵی چارەنووسی بێنفیکا، تەنانەت بۆ بەدەستهێنانی پلەی دووەمیش. ئەو ئاشکرای کرد کە لە نێوان هەردوو گێمەکەدا قسەی زۆر ڕاشکاو و توندی بۆ یاریزانەکان کردووە و تەحەدای کردوون سەبارەت بە پابەندبوونی تاکتیکی و دڵسۆزییان بۆ داواکارییەکانی وەرزشەکە.

مۆرینیۆ لە لێدوانێکدا بۆ کەناڵی سپۆرت تیڤی وتی:

“زیاتر لە ڕووداوی گۆڵەکەی کاسا پیا… دەڵێم: ئێمە تەنها دوو خاڵمان لەدەست نەدا، بەڵکو دواین چانسمان بۆ شەڕکردن لەسەر نازناوەکە لەدەستدا، هەروەها کۆنتڕۆڵی چارەنووسی خۆمان بۆ پلەی دووەمیش لەدەستدا. گێمی یەکەمم بە دڵ نەبوو؛ لە نێوان هەردوو گێمەکەدا قسەمان لەسەر ئەوە کرد کە دەبێت لە ڕووی تاکتیکییەوە چی بگۆڕین، هەوڵمدا تێیان بگەیەنم… چونکە هەندێک یاریزان هەن وەک ئەوە وایە تۆپی پێ نەخۆن و هەناسەی تۆپی پێ نەدەن؛ وەک ئەوە وایە هەندێک جار ڕاستییەکانیان بیر بچێتەوە.”

مۆرینیۆ وتیشی کە لە کاتی پشوودا هەندێک “هەژماری بیرکاری” بۆ یاریزانەکان کردووە و پێی وتوون ئەگەر ئەم یارییە نەبەنەوە، کێبڕکێی سەختی نازناوەکە کۆتایی دێت و چیتر چارەنووسی پلەی دووەمیش لە دەستی خۆیاندا نابێت.

لە کۆتاییدا سەبارەت بە ناوبژیوان وتی: “ناوبژیوان کاریگەری لەسەر ئەنجامەکە نەبوو، بەڵام کاریگەری زۆری هەبوو لەسەر ئاستی لاوازی یارییەکە. بێنفیکا لە گێمی یەکەمدا لە ڕووی ئیرادە و مامەڵەوە لاواز بوو، دواتر لە هەموو ئاستەکاندا باشتر بوون، بەڵام یارییەکە کۆتایی هات و دەتوانم بڵێم خولەکەش بەهۆی بارودۆخێکی بێباکانە کۆتایی هات..”

ئەوەی جێگەی سەرسوڕمانە ئەوەیە بەنفیکا تاکە یانەیە کە لەم وەرزەدا هیچ یارییەکی نەدۆڕاندووە لە خولی پۆرتوگالی بەڵام لە نۆ یاریدا بەرامبەربوون و ئەوەش سەرەنجام تووشی بێ هیوایی کردن.