یاریگا –
شەوی رابردوو 4ـی نیسان بارسێلۆنا لە یاریگای مێترۆپۆلیتانۆ لە گەڕی 30ـی لالیگا بووە میوانی ئاتلێتیکۆ مەدرید و بە سێ خاڵی یارییەکە گەڕایەوە بارسێلۆنا.
لامین یامال، هێرشبەری ئیسپانی دوای یارییەکە بە تووڕەییەوە یاریگای جێهێشت و راستەوخۆ چووە ژووری خۆگۆڕین، هانزی فلیک، راهێنەری یانە کاتالوونیەکە هۆکاری تووڕەبوونەکەی یامالی روونکردووەتەوە و گوتی:
کتومت نازانم چییە، یامال زۆر هەوڵیدا بەڵام گۆڵ و ئەسیستی نەکرد، یارییەکی پڕ جۆش و خرۆش بوو، حەزی دەکرد بەشداریی گۆڵ بکات، هەر بۆیە تووڕە بوو، ئاساییە ئەو رووداوانە، ئێستا لە ژووری خۆگۆڕینە و زۆر لەسەرخۆیە. سێ رۆژمان هەیە تاوەکوو خۆمان بۆ یاریی داهاتوو ئامادە بکەین، زۆر گرنگە و چامپیۆنزلیگە ئەویش لە کەشێکی باشتر لەوەی دوای یارییەکە دەبێت.
ئەمە قسەکانی فلیک بوو لەبارەی تووڕەبوونەکەی یامال کاتێک ئاماژەی بۆ شوێنی هاندەران دەکرد، بەڵام هاندەران لە تۆڕە کۆمەڵایەتییەکانی قسەیەکی دیکەیان هەیە و پێیان وایە تووڕەبوونەکەی یامال پەیوەندی بە بابەتی سووکایەتی رەگەزپەرستییەوە هەبووە، لەلایەن هاندەرانی ئاتلێتیکۆ مەدریدەوە سووکایەتی رەگەزپەرستی بەرامبەر کراوە و ئەمەش یاریزانەکەی نیگەران کردووە.
ڤیدیۆیەکیش کە بە کامێرای هاندەران تۆمارکراوە، تۆڕە کۆمەڵایەتییەکانی تەنیوە و هەمووان دەڵێن ئەمە لە میدیاکان نەبینراوە و نیشان نەدراوە، بەڵام دەکرێت هۆکاریی سەرەکی بێزاری و تووڕەیی ئەستێرەکەی بلاوگرانا بووبێت. لە ڤیدیۆکەدا بە روونی دەردەکەوێت کە هاندەرانی رۆخێ بلانکۆس بە لامین دەڵێن: “تۆ زۆر ناشیرینیت، بگەڕێوە مەغریب، بگەڕێوە.”
“Eres muy feo cabr**”
“Vete con Marruecos”
Y más frases que no se entienden…
Esto no lo veréis en las noticias. Que asco.🤬 pic.twitter.com/2Frg6BSh7A
— Culés Fans FCB (@CulesFansFCB) April 5, 2026
