هاندەرانی ڕیاڵ مەدرید دەتوانن هەناسەیەکی ئارام هەڵمژن دوای ئەوەی ڕاپۆرتەکان بڵاوبوونەوە کە ڤینیسیۆس جۆنیۆر لە پێکانێکی سەخت ڕزگاری بووە لە کاتی ئەرکی نێودەوڵەتیدا لەگەڵ هەڵبژاردەی بەڕازیل. سەرەڕای بەشدارینەکردنی لە ڕاهێنانەکان پێش یارییەکەی سێلێساو بەرامبەر کرواتیا، پێشبینی ناکرێت ئەستێرەکەی سامبا بۆ ماوەیەکی درێژ لە یاریگاکان دوور بکەوێتەوە.
نیگەرانییەکان دروست بوون کاتێک یاریزانە تەمەن ٢٥ ساڵەکە لە ڕاهێنانە بەکۆمەڵەکان لە ئۆرلاندۆ ئامادە نەبوو، لەبری ئەوە سەرقاڵی چاک بوونەوە بوو لە هۆڵی وەرزشیدا. وەک دەوترێت، هێرشبەرەکە دوای یارییە دۆستانە سەختەکەی بەڕازیل بەرامبەر فەرەنسا سکاڵای لە ماندووبوونی ماسولکەکانی کردووە، ئەمەش بووە هۆی دروستبوونی ترس لەوەی لە کاتێکی هەستیاردا بچێتە ریزی یاریزانە پێککراوەکانی ریاڵ مەدرید..
بەڵام میگێل ئەنخێل دیاز، ڕۆژنامەنووسی تۆڕی کۆپێ ، زانیارییەکی ئەرێنی لەسەر بارودۆخەکە خستەڕوو و ڕایگەیاند کە “ڤینیسیۆس باشە” و “ئەگەر بەرامبەر کرواتیا یاری نەکات، ئەوە تەنها بۆ خۆپارێزییە.” پێشبینی دەکرێت ڤینیسیۆس ئامادە بێت بۆ گەشتەکەی مەدرید بۆ مایۆرکا لە کۆتاییی هەفتەی داهاتوودا. ئەم هەواڵە دەبێتە پاڵپشتییەکی گەورە بۆ ئەلڤارۆ ئاربێلۆا، ڕاهێنەری لۆس بلانکۆس، کە ماوەیەکی کەمە بەشێک لە ئەستێرەکانی بۆ گەڕاوەتەوە لە پێکان..
هەمان بەخت یاوەری رافینهای هاونیشتیمانی نەبوو کە بەهۆی پێکان ماوەیەک لە ریزەکانی بارسێلۆنا دادەبڕێت لە نێویاندا یارییەکانی چارەگی کۆتایی خولی پاڵەوانەکانی ئەورووپا.
