یاریگا: كریستیانۆ ڕۆناڵدۆ ،ئەستێرەی تۆپی پێی یانەی یوڤێنتوسی ئیتاڵی ژمارەیەكی پێوانەیی لە خولی ئیتاڵی تۆماركرد.
گۆڵكارە پورتوگالیەكە سەركەوتوو بوو لە تۆماركردنی گۆڵ لە یاریەكەی دوێنێ یوڤێنتوس و بەمەش كۆی گۆڵەكانی لەم وەرزەدا بۆ 22 گۆڵ بەرز كردەوە.
دۆن بەردەوامە لە شكاندنی ژمارە پێوانەییەكان و بە تۆماركردنی گۆڵەكەی دوێنێ بوو بە گۆڵكاری مێژووی یاریزانە پورتوگالیەكان كە یاریان لە خولی ئیتاڵی كردبێت، كە توانیویەتی 43گۆڵ لە خولەكە تۆمار بكات و توانی پێش ڕۆی كۆستا بكەوێت كە 42گۆڵی تۆمار كردبوو.
