هاوشێوەی فاوڵەکەی مێسی بوو؛ تووڕەیی لەسەر کارتی سوورەکەی باڵۆگەن دروست دەبێت
"ئەمە کارتی سوور نییە!!!🤦♂️"
یاریگا –
توڕەیی لەسەر کارتە سوورەکەی باڵۆگەن دروست دەبێت چونکە بە تەواوی هاوشێوەی ئەو فاوڵەی مێسی بوو کە بێ سزادان لێی رزگاری بوو.
هێرشبەرەکەی ویلایەتە یەکگرتووەکانی ئەمریکا کرایە دەرەوە دوای پێدانان لەسەر قاچی یاریزانێکی بەرامبەر لە دواوە. زۆرێک لە هاندەران لە تۆڕە کۆمەڵایەتییەکاندا دەستبەجێ رووداوەکەیان بە فاوڵەکەی لیۆنێل مێسی لەسەر عیسا ماندی بەراورد کرد.
ویلایەتە یەکگرتووەکانی ئەمریکا بەبێ ئەستێرەی هێرشبەری خۆی دەبێت بۆ قۆناخی 16ـی جامی جیهانی. فۆلارین باڵۆگەن کارتی سووری لە خولەکی 64 بەرامبەر بۆسنە پێدرا، لە بڕیارێکدا کە مشتومڕێکی بەرفراوانی دروستکرد. هێرشبەرە ئەمریکییەکە لە کاتی ململانێکردن لەسەر تۆپەکە پێی نا بە یاریزانێکی بەرامبەردا لە دواوە و دوای ئەوەی رافایل کلاوسی ناوبژیوان پێداچوونەوەی بۆ رووداوەکە کرد، هێرشبەرەکەی مۆناکۆ کرایە دەرەوە.
چەندین کەسایەتی ناسراوی ئەمریکیش کاردانەوەیان لە تۆڕە کۆمەڵایەتییەکاندا هەبوو دوای ئەم دەرکردنە. ئەستێرەی ناوداری NFL پاتریک ماهۆمس پۆستێکی کرد و نووسی: “کاکە، ئەوە چی…؟” کە تێیدا بێبڕوایی خۆی دەربڕی.
Man what……
— Patrick Mahomes II (@PatrickMahomes) July 2, 2026
لە کاتێکدا یاریزانی پێشووی نێودەوڵەتی ویلایەتە یەکگرتووەکان ئالێکسی لالاس گرتەیەکی ڤیدیۆیی فاوڵە پڕ لە مشتومڕەکەی لیۆنێل مێسی لەسەر عیسا ماندی بڵاوکردەوە و لەگەڵیدا نووسی: “ئەی ئەمە چی؟؟” وەکوو ئاماژەیەک بۆ دژبەیەکییەکی ئاشکرا لە بڕیارەکاندا.
‘Sup. pic.twitter.com/dp4SSI4Mvb
— Alexi Lalas (@AlexiLalas) July 2, 2026
ئەستێرەی پێشووی NBA دیرک نۆڤیتسکیش هاتە نێو بابەتەکەوە و نووسی: “ئەمە کارتی سوور نییە!!!🤦♂️”
That’s not a red!!! 🤦♂️
— Dirk Nowitzki (@swish41) July 2, 2026
سەرەڕای ئەم کۆسپە، تیمەکەی ماوریسیۆ پۆچێتینۆ سەرکەوتنێکی ئاسوودەیان بە ئەنجامی 2-0 بەدەستهێنا. تەنانەت دوای یاریکردن لە بەشێکی زۆری گێمی دووەمدا بە 10 یاریزانەوە دوای دەرکردنی هێرشبەرە سەرەکەیەکەیان، ئەمریکییەکان گۆڵی دووەمیان زیادکرد بۆ مسۆگەرکردنی بردنەوەکە و ئێستا سەرنجیان دەخەنە سەر رووبەڕووبوونەوەی قۆناخی 16 بەرامبەر بەلجیکا.
Messi didn’t get a red card for this.
But, Balogun got a red card.
Make it make sense, FIFA… pic.twitter.com/Ce9mePP5g6
— Jon Root (@JonnyRoot_) July 2, 2026
