یاریگا –
سێڤیای لە بەیاننامەیەکی فەرمیدا دوورخستنەوەی ماتیاس ئالمێیدای ئەرجەنتینی و راهێنەری یانەکەی لە پۆستەکەی راگەیاند.
شكستی سێڤیا بەرامبەر ڤالێنسیا بووە خاڵی بڕیاردان، رۆژی یەکشەممە بەڕێوەبەرانی یانەکە کۆبوونەوەیەکی خێڕایان ئەنجامدا و بڕیاری دوورخستنەوەی ئالمێیدایاندا، تاوەکوو لە پشووی یارییە نێودەوڵەتییەکان راهێنەری نوێ دیاریی بکەن.
سێڤییا تەنیا سێ خاڵ لە ناوچەی دابەزینەوە دوورە و ئالمێیداش هیچ شتێکی لەدەست نایەت. دەستپێکی راهێنەرەکە هیوای هاندەرانی بەرزکردەوە بەڵام کورتخایەن بوو. لە کۆی 32 یاریی ئەم وەرزە تەنیا 10 بردنەوەی هەیە، 15 یاریی شکستی هێناوە و پێنج یارییش یەکسانبووە.
یانەکە لە بەیاننامەکەدا سوپاسی راهێنەرەکە دەکەن لەپای ئەرکەکەی لە یانەکە و هیوای باشترینی لە ئاڵەنگارییەکانی داهاتووی پیشەکەی بۆ دەخوازن.
ℹ️ Matías Almeyda deja de ser entrenador del Sevilla FC.
Le agradecemos su labor y le deseamos lo mejor en sus próximos retos profesionales.
— Sevilla Fútbol Club (@SevillaFC) March 23, 2026
سێڤییا سێ کەسی وەکوو جێگرەوە دەستنیشان کردووە، لیوس گارسیا پلازا، دیێگۆ مارتینێز و مانۆلۆ خیمینێز. دوورخستنەوەی ئالمێیدا تەنیا لەسەر کات وەستاوە، لەگەڵ ئەوەشدا دیاریکردنی جێگرەوە مەترسییەکی گەورەیە. گۆڕینی راهێنەر هیچ دڵنیاییەک نادات، بەڵام نەکردنی هیچ شتێکیش مەترسییەکەی زیاترە.
