یاریگا –
لەدوای یارییەکەی بەرامبەر سێلتا ڤیگۆ رۆژنامەکانی ئیسپانیا رەخنەی توند لە ئاستی ئاڕنۆڵد دەگرن.
شەوی رابردوو ریال مەدرید لە گەڕی 27ـی یارییەکانی لالیگا بووە میوانی سێلتا ڤیگۆ و بەزەحمەت 2-1 یارییەکەی لێ بردەوە. سەرەتا ئۆرێلیەن چوامینی، ناوەڕاستکاری ریال مەدرید گۆڵی پێشکەوتنی بۆ مێرەنگی کرد، بەڵام لە خولەکی 25 بۆرخا ئێگلاسیاس سوودی لە چوونەپێشی زۆری ئاڕنۆڵد وەرگرت و نەیتوانی بەرگرییەکی باش بکات، سەرەنجام بۆرخا گۆڵی بەرامبەربوونی کرد.
رۆژنامەی مارکا هەڵسەنگاندنی بۆ ئاستی یاریزانەکان کردووە و ئاڕنۆڵد بە کارەسات ناودەبات، هەرچەندە لە رووی هێرشبەرییەوە یارمەتییەکی باشی تیپەکە دەدات بەڵام لە رووی بەرگرییەوە زۆر لاوازە. رۆژنامەکە نووسیویەتی ئاڕنۆڵد بەرامبەر سێلتا ڤیگۆ لە کەسێکی ‘وڕ و سەرلێشێواو’ دەچوو.
“Trent Alexander-Arnold doesn’t do a particularly great job” 🎙️
Celta de Vigo equalise against Real Madrid through Borja Iglesias 🔵
𝑃𝑟𝑒𝑠𝑒𝑛𝑡𝑒𝑑 𝑏𝑦 @sbk | 18+ | 𝑃𝑙𝑒𝑎𝑠𝑒 𝐺𝑎𝑚𝑏𝑙𝑒 𝑅𝑒𝑠𝑝𝑜𝑛𝑠𝑖𝑏𝑙𝑦 pic.twitter.com/RMgSZeD3mm
— Premier Sports (@PremSportsTV) March 6, 2026
ئاڕنۆڵد لە یەکەم وەرزی لەگەڵ لۆس بلانکۆس هەشتەم یاریی بوو بە سەرەکی بەشداریی بکات، لەدوای تووشبوونی بە دوو پێکانی سەخت لە سەرەتای وەرز.
ئاڕنۆڵد تاوەکوو ئێستا، لە سەرجام پاڵەوانێتییەکان 23 یاریی لەگەڵ ریال مەدرید کردووە، هیچ گۆڵێکی نەکردووە و چوار گۆڵی دروستکردووە.
