یاریگا –
لە کاتێکدا جیهانی تۆپی پێ سەرسامە بەو ئەستێرە گەنجانەی لە یانەی بارسێلۆنا دەرکەوتوون، پرسیارێکی گرنگ لە نێو میدیاکاندا دروست بووە: کێ خاوەنی دەستکەوتی ئەم نەوەیەیە؟ ئەو نەوەیەی کە ناوی نراوە “نەوەی 007” (ئەو یاریزانانەی لە دەوروبەری ساڵی 2007 لەدایکبوون، وەک لامین یامال و پاو کوبارسی).
میراتێکی زێڕین
ئەلبێرت ماسنۆ، نووسەری ناسراوی کەتەلۆنی، لە وتارێکدا لە رۆژنامەی سپۆرت ئاماژە بەوە دەکات کە ئەو پێکهاتەیەی ئێستا بارسێلۆنایە لە بەردەستی هانزی فلیكه، میراستێکی زێڕینە.
ماسنۆ دەڵێت:
“ئەو نەوەیەی بارسێلۆنا پێی گەیشتووە، دیارییەکی گرانبەهایە، سەرەڕای ئەوەی هەر کەسێک دەیەوێت ئەم دەستکەوتە بە تەواوی بۆ خۆی ببات.”
🔴Opinión SPORT
👀¿De quién es mérito la aparición de esta generación 007?
🗣️”La herencia que ha recibido el FC Barcelona es de oro. Pese a quien quiera atribuirse el mérito absoluto…”
✍️Albert Masnouhttps://t.co/B4Xays61VU
— Diario SPORT (@sport) March 5, 2026
ململانێ لەسەر خاوەندارێتی دەستکەوتەکە
لە نێو هەوادارانی بارسێلۆنادا جەنگێکی سارد هەیە؛ هەندێک پێیان وایە خوان لابۆرتا و کارگێڕییەکەی شایەنی دەستخۆشین بۆ متمانەکردن بە لاوان، هەندێکی تر چاڤی هێرناندێز بە داھێنەری ئەم رێڕەوە دەزانن کە یەکەمجار بوێریی کرد و یاریی پێکردن، هەندێکی تریش هانز فلیک بە لێهاتوو دەزانن کە توانیویەتی ئەم جەوهەرانە بریقەدار بکاتەوە.
راستییەکە لە کوێدایە؟
ماسنۆ جەخت لەوە دەکاتەوە کە نابێت دەستکەوتی ئەم نەوەیە تەنیا بە یەک کەس ببەسترێتەوە. ئەمە ئەنجامی کارێکی درێژخایەنی ئەکادیمیای لاماسیا و مێژووی یانەکەیە.
ئەو پێیوایە هەرچەندە کەسانێک هەبن بیانەوێت بڵێن “من ئەم نەوەیەم دروست کردووە”، بەڵام لە راستیدا بارسێلۆنا وەک دامەزراوەیەکی وەرزشی، ئەم سامانە گەورەیەی وەک میرات بۆ ماوەتەوە و ئێستا کاتی دروێنەکردنی بەرهەمەکەیەتی.
نەوەی “007” تەنیا چەند یاریزانێکی بەهرەمەند نین، بەڵکو گوزارشت لە قوتابخانەیەکی تۆپی پێ دەکەن کە توانیویەتی لە سەختترین کاتە داراییەکاندا، یانەکە لە داڕمان ڕزگار بکات و جارێکی تر بارسا بگەڕێنێتەوە ناو بازنەی گەورەکانی ئەورووپا.
