یاریگا –
یانەی بارسێلۆنای ئیسپانی هەواڵێكی ناخۆشی بە پێكانی فرێنكی دی یۆنگ ناوەڕاستكاری هۆڵەندی یانەكەی پێگەیشت.
بارسێلۆنا بەدەست پێكانی زۆری ئەستێرەكانیەوە دەناڵێنێت و پێدری لە پێكان گەڕاوەتەوە و هێشتا گاڤی و كریستێنسن پێكانیان هەیە و ناتوانن بەشداری یارییەكانی یانەكە بكەن.
🔴 NOTICIA SPORT | Alarma Frenkie de Jong, será baja por una lesión en el entrenamiento@tomasandreu68 https://t.co/LHONBciugF pic.twitter.com/VTAu5DEmmD
— Diario SPORT (@sport) February 26, 2026
بە گوێرەی زانیارییەكانی رۆژنامەی سپۆرت، دی یۆنگ تووشی پێكان بووە و كۆتا یەكەی مەشق و راهێنانەكانی بە پێكانەوە كردووە.
چاوەڕوان دەكرێت لە چەند كاتژمێری داهاتوودا پشكنینی پزیشكی بۆ دی یۆنگ بكرێت.
بە گوێرەی هەمان سەرچاوە، ناوەڕاستكارە هۆڵەندییەكە بۆ ماوەی مانگێک لە یاریگاكان دووردەكەوێتەوە.
ئەو یارییانەی دی یۆنگ ناتوانێت بەشداری بكات:
- ڤیاڕیال
- ئاتلێتیكۆ مەدرید
- ئاتلێتیک بیلباو
- سێڤییا
- رایۆ ڤاییكانۆ
- قۆناخی شازدەی چامپیۆنزلیگ
بارسێلۆنا بە 61 خاڵ پێشەنگی خولی ئیسپانی گرتووە و ریال بە 60 خاڵ لە پلەی دووەم دێت.
