ئالکاراز دوو هەنگاو لە ریکۆردێکی مێژوویی دوورە

یاریگا –

کارلۆس ئالکاراز بۆ یەکەمجار خۆی گەیاندە قۆناخی پێشکۆتایی ئوسترالیای کراوە.

ئەمڕۆ کارلۆس ئالکارازی ئیسپانی لە قۆناخی چارەکی رووبەڕووی ئەلێکس دی مینۆری ئوسرالی بووەوە.

ماتادۆرەکەی ئیسپانیا بە سی کۆمەڵەی بێوەڵامی “7-5 و 6-2 و 6-1” بردەوە و بۆ قۆناخی پێشکۆتایی پاڵەوانییەتییەکە سەرکەوت.

Coming up, a first visit to the semi’s at Melbourne Park ⌛@wwos • @espn • @tntsports • @wowowtennis • #AO26 pic.twitter.com/qoekKxLSvD

— #AusOpen (@AustralianOpen) January 27, 2026

ئالکاراز تەنیا دوو بردنەوە دوورە لە بوون بە لاوترین تێنسزانی مێژوو کە سەرجەم گراند سلامەکان بەدەست بهێنێت. کارلۆس توانیوییەتی رۆلاند گارۆس و وێمبڵدن و ئەمریکای کراوە بەدەست بهێنێت، بەڵام تاوەکو ئێستا نەیتوانیوە ئوسترالیای کراوە بباتەوە.

تێنسزانە ئیسپانییەکە دەیەم گراند سلامە خۆی دەگەیەنێتە قۆناغی پێشکۆتایی و چوارەم گراند سلامە بەدوای یەکدا دەگاتە ئەو قۆناخە.

ئالکارازی تەمەن 22 ساڵ لە 2026 پێنج یاریی ئەنجامداوە و سەرجەمیان براوەبووە.