دەنگۆكانی مێركاتۆ؛ بارسێلۆنا و ئاتلێتیکۆ ململانێی گواستنەوەی ئەستێرەیەک دەکەن و گەورەکانی پرێمەرلیگ بەگەرمی دەچنە مێرکاتۆ

یاریگا –

بارسێلۆنا و ئاتلێتیکۆ مەدرید کێبڕکێی گواستنەوەی مارکۆس سێنێسی، بەرگریکاری بۆرنمس دەکەن و یاریزانە ئەرجەنتینییەکە یانەکەی ئاگادارکردووەتەوە لە 2026 ماڵئاواییان لێدەکات – تیم تۆک

مانچێستەر یونایتد هەوڵەکانی بۆ گواستنەوەی یان دیۆماندێ، یاریزانی باڵی هێرشبەری لایپزیگ دەستپێکردووە و یانە ئەڵمانییەکە داوای 80 ملیۆن پاوەند دەکات – تۆک سپۆرت

مانچێستەر یونایتد تاوەکو ئێستا گفتوگۆی لەگەڵ ئاتلێتیکۆ مەدرید بۆ گواستنەوەی کۆنەر کالاگێر نەکردووە، بەڵام ئاگادارە ئیسپانییەکان بەنیازن بەبڕی 35 ملیۆن پاوەند دەستبەرداری ببن – دەیلی مەیڵ

لیڤەرپوول چاودێری ئیگۆر تیاگۆ، هێرشبەری 24 ساڵانی برێنتفۆرد دەکات – کاوت ئۆفساید

نیوکاسڵ یونایتد، نۆتینگهام فۆڕێست و کریستاڵ پاڵاس چاویان لەسەر یۆری باس، بەرگریکاری 22 ساڵانی ئەیاکسی هۆڵەندییە – تیم تۆک

ئارسیناڵ زۆر ئارەزووی گواستنەوەی دەیڤد بارتێساگی، بەرگریکاری باڵی چەپی ئەیسی میلان دەکات کە لەم وەرزە ئاستێکی بەرز پێشکەش دەکات – لاگازێتا دێلا سپۆرت

رەنگە مانچێستەر یونایتد لەم زستانە رێگە بە رۆیشتنی جۆشوا زێرکزی، هێرشبەری هۆڵەندی نەدات، چونکە یاریزانی پێکراویان زۆرە و چەند یاریزانێکیش بەهۆی جامی نەتەوەکانی ئەفریقا لە یانەکە دابڕاون – ESPN

بایرن میونشن ئارەزووی گواستنەوەی دیڵان لاولۆر، بەرگریکاری کاردیف سیتی دەکات کە مانگی داهاتوو تەمەنی دەبێتە 20 ساڵ – تۆک سپۆرت

چێڵسی، ئارسیناڵ و نیوکاسڵ گرنگی بە گواستنەوەی دارڵ بارکۆلا، ناوەڕاستکاری 18 ساڵانی مارسیلیا دەدەن – فووت مێرکاتۆ

رێن، بۆ گواستنەوەی کڵاودیۆ ئێچێڤێری، یاریزانی لاوی مانچێستەر سیتی بەشێوەی خواستن، ململانێی ڤیاڕیال و جیڕۆنا دەکات – ئوێست فڕانس