یاریگا –
سعوودیەکان بەردەوامن لە پەلکێشکردنی ناودارەکانی ئەوروپا چ یاریزان یاخود راهێنەر، ئەمجارەش لەگەڵ راهێنەرێکی بەئەزموونی ئەوروپا رێککەوتن.
بەگوێرەی بڵاوکراوەیەک لە پێگە فەرمیەکانی خۆیانەوە، یانەی قادسیەی سعوودی سەرکەوتوو بوون لە دەستنیشانکردن و هاوکات ناساندنی برێندان رۆجەرز وەک راهێنەری نوێی یانەکەیان.
بەپێی رێککەوتنی نێوانیان، رۆجەرز تا ساڵی 2028 راهێنەرایەتی قادسیە دەکات.
دەستنیشانکردنی ئەو راهێنەرە سکۆتلەندیە کە خاوەنی ئەزموونێکی زۆرە لە ئەوروپا بەتایبەت یانەکانی واتفۆرد، ریدینگ، سوانزی، لیڤەرپوول و سێڵتیک، تەنها دوای دوو رۆژ دێت لە دوورخستنەوەی میشێل گۆنزالێسی ئیسپانی لە پۆستەکەی.
The vision is set ✍🏻❤️
#AlQadsiah | #RodgersQadsawi pic.twitter.com/iODbUOAWQV— AlQadsiah Saudi Club (@AlQadsiahEN) December 17, 2025
قادسیە لەدوای 9 هەفتە لە یارییەکانی خولی رۆشەن، لە پلەی پێنجەم دێت کە 17 خاڵی هەیە. بە جیاوازیی 10 خاڵ لە نەسڕی پێشەنگەوە.
