یاریگا –
میکێل سانچێزی راهێنەری جیرۆنا ئەمشەو رووبەڕووی یەکێک لە سەختترین ئاستەنگەکانی ژیانی راهێنەرایەتی دەبێتەوە، ئەویش رووبەڕووبوونەوەی ریال مەدرید و چابی ئالۆنسۆیە.
ئامارەکانی رووبەڕووبوونەوەکانی رابردوو دەریدەخەن کە مەدرید هەمیشە بۆ میکێل سانچێز قورس بووە؛ لە هەشت یارییەکەی پێشوودا، جیرۆنا شەش جار دۆڕاوە و تەنیا جارێک سەرکەوتنی بەدەستهێناوە و یەک یاریش یەکسان بووە، ئەمەش رێژەی 74%ی شکستە.
هەروەها مێژووی رووبەڕووبوونەوەی میکێل و چابی ئەلۆنسۆ چەندین یادگاری تاڵ بیر راهێنەری جیرۆنا دەهێنێتەوە. لە ماوەی یاریکردنی میکێلدا حەوت جار رووبەڕووی یەکتر بوونەتەوە، ئەوکاتەی لە یانەی رایۆ و مورسیا و ئاڵۆنسۆش لە ریال سۆسیداد بوو، میکێل تەنیا یەک بردنەوەی هەبووە لەگەڵ سێ یەکسانبوون و سێ دۆڕان. ئەم ئامارانە دەریدەخەن کە رکابەریکردن لەگەڵ ئاڵۆنسۆ کابوسێک بووە و ئەمشەو جارێکی دیکە رووبەرووی دەبێتەوە.
جیرۆنا بە کۆکردنەوەی 11 خاڵ لە پلەی 18ی ریزبەندی لالیگایە دەیەوێت بە بردنەوە لە ناوچەی دابەزین دووربکەوێتەوە و تەنانەت یەکسانبوون بەرامبەر ریال مەدرید ئەنجامێکی ئەرێنی دەبێت بۆیان. تاکە سەرکەوتنی مێژوویی میکێل بەرامبەر مەدرید دەگەڕێتەوە بۆ وەرزی 2022-2023، یارییەکە بە ئەنجامی 4-2 کۆتایی هات.
یارییەکەی ئەمشەو یاریی ژمارە 196ـی میکێڵ دەبێت کە وەکوو راهێنەر لەسەر کورسی یەدەگی جیرۆنا دابنیشێت.
