تەواو؛ یوێفا بڕیاری کۆتایی لەسەر ئامادەیی کامپ نۆو بۆ یارییەکانی چامپیۆنزلیگدا

یاریگا –

پشکنەرانی فێدراسیۆنی تۆپی پێی ئەوروپا ‘یوێفا’ بە مەبەستی پشکنینی یاریگای سپۆتیفای کامپ نۆو، ئامادەی یاریی شەوی رابردووی نێوان بارسێلۆنا و دێپۆرتیڤۆ ئالاڤێس بوون.

رۆژنامەی موندۆ دێپۆرتیڤۆ بڵاویکردووەتەوە، شاندەکەی یوێفا بە وردی هەڵسەنگاندنیان بۆ رێڕەوی چوونە ژوورەوەی هاندەران، پڕۆتۆکۆڵی وەرگرتنی بلیت و ئامادەیی شوێنی هاندەران کرد.

لە دوای یارییەکە، شاندەکە راپۆرتی خۆیان بۆ یوێفا بەرزکردەوە و رەزامەندی کۆتاییان بۆ گەڕانەوەی یارییەکانی بارسێلۆنا بۆ سپۆتیفای کامپ نۆودا و یاریی داهاتووی لە بەرامبەر ئاینتراخت فڕانکفورت لە 9ی مانگی داهاتوو لە کامپ نۆو دەکات.

شاندەکە بۆ زیاتر لە سێ کاتژمێر هەڵسەنگاندن و بەدواداچوونیان بۆ تەواوی وردەکارییەکانی یاریگاکە کرد، ئینجا رەزامەندی گەڕانەوەی یارییەکانیان بۆ کامپ نۆو دا.

بارسێلۆنا هەموو هەوڵێکی بۆ دابینکردنی رێڕەوی تایبەت و شوێنی هاندەرانی تیمی بەرامبەریدا و توانی شوێنیان بۆ دابین بکات، ئەمەش هاوتەریبە لەگەڵ یاساکانی سەلامەتی یوێفا.