
یاریگا –
لەکاتێکی هەستیاردا کە ئێستا رۆناڵد ئاراوخۆی پێدا تێپەڕدەبێت، خوان لاپۆرتا وەک بەرگریکارێکی سەرسەخت لە بەرگریکارە ئۆروگواییەکەی پەیامی خۆی گەیاند.
ئاراوخۆ ماوەیەکی زۆرە پێگەی سەرەکییبوونی لە بارسێلۆنا لە مسۆگەرییدا نەماوە. نەهامەتییەکەی چێڵسیشی هاتەسەر کاتێک لەو یارییە گرنگەدا بە کارتی سوور کرایەدەرەوە و ئەرکەکەی لەسەر بارسا قورسترکرد و گێمێک زیاتر تیمەکەی بەبە یاریزانێک کەمتر رادەستی بلووزکرد. ئەنجامەکەش 3-0 بۆ لەندەنییەکان کۆتایی هات.
بەگوێرەی سەرچاوە جیاوازەکان، ئاراوخۆ لەدوای ئەو یاریەوە زۆر هەست بە داڕوخان دەکات و بە نزیکەکانی وتووە کە ئەو هۆکارێکی شکستە قورسەکەیان بووە بەرامبەر چێڵسی.
لای خۆیەوە لە نوێترین لێدوانیدا خوان لاپۆرتا بە پەیامێکی پڕ دڵسۆزیی هاتەدەنگ و وتی
دەمەوێ بەرگریی لە ئاراوخۆ بکەم و هانی بدەم. رووبەڕووی رەخنەیەکی زۆر بووەتەوە و ئەوەش نادادییە بەرامبەری. ئەو هەمووشتێ لەنێو یاریگادا پێشکەش دەکات. دەبێت ئەم بارودۆخە تێپەڕێنێت. بۆیە لێرەوە پێی دەڵێم: ئێمە لەگەڵتداین. پێکەوە دەبەین و دەدۆڕێین. ئێمە یەک تیمین.
🚨🇺🇾 Laporta: “I want to defend Araujo and encourage him. He has faced a lot of criticism and this is not fair. He gives everything on the pitch”.
“He must get through this period. I tell him that we are with him: we win and lose together. We are one team”. pic.twitter.com/3dkyq5XKpN
— Fabrizio Romano (@FabrizioRomano) November 29, 2025
ئەمڕۆ بارسا لە هەفتەی 14ی خولی ئیسپانی رووبەڕووی ئالاڤێس دەبێتەوە و بۆ ئەو یارییە ئاراوخۆ بانگهێشتی پێکهاتەکەی هانزی فلیک نەکراوە، کە بەشێک لە سەرچاوەکان هۆکارەکەیان بەستەوە بە تووشبوونی رۆناڵد بە بەکتریای گەدە.



