یاریگا –
نێیمار دا سیلڤا، ئەستێرەی بەڕازیلی گوێ بە ئامۆژگارییەکانی ستافی پزیشکی یانەی سانتۆس نادات و هەمووان شۆک دەکات.
بەهۆی پێکانی ئەژنۆ، پزیشکانی یانەکە داوای پشووی زیاتریان بۆ نێیمار لە دەستەی راهێنەرایەتی یانەکە کردبوو، بەڵام نێیمار لە بەشداریکردن سوور بوو و یارییەکەیان 3-0 بردەوە.
نێیمار لە خوولەکی 25 لە نێو ناوچەی سزا تۆپێکی پێگەیشت و بە شووتێکی بەهێز گۆڵی یەکەمی سانتۆسی کرد.
لوکاس کاڵ، گۆڵی دووەمی بەهەڵە لە بەرژەوەندی سانتۆس کرد، دواتر نێیمار لە خوولەکی 67 گۆڵی سێیەمی بۆ جواو شمید دروستکرد.
Os gols da vitória do Santos por 3 a 0 diante do Sport!
⚽️ Neymar, Gol contra, Schmidt pic.twitter.com/Kp8wyIPA9r
— Santos FC (@SantosFC) November 29, 2025
سانتۆس لە 36 یاریی خولی پلەیەکی بەڕازیل 41 خاڵی کۆکردووەتەوە و خۆی گەیاندە پلەی 15 و دوو خاڵ لە زۆنی دابەزین دوورکەوتەوە.
بردنەوەکە بۆ مانەوەی سانتۆس لە خولی پلەیەکی بەڕازیل گرنگبوو، چونکە تەنیا دوو گەڕ بۆ تەواوبوونی خوولەکە ماوە.
پێشتر تۆڕی گڵۆبۆی بەڕازیلی بڵاویکردبووەوە، نێیمار بەهۆی دووبارەبوونەوەی پێکانی ئەژنۆی، ناتوانێت بەشداری دوا سێ گەڕی خوولەکە بکات، ئەمەش هاندەرانی سانتۆسی نیگەران کردبوو.
نێیمار لەم وەرزەدا لە کۆی 18 بەشداریدا پێنج گۆڵی بۆ سانتۆس کردووە و گومانێکی زۆر لەبارەی داهاتووەکەی هەیە، چونکە مانگی داهاتوو گرێبەستەکەی لەگەڵ سانتۆس بەسەردەچێت و تاوەکو ئێستا هیچ شتێک لەبارەی داهاتووی ئاشکرا نەکراوە.
