
یاریگا –
وەرزی 2025/2026 نزیک دەبێتەوە لە نیوەی یەکەم چەند یانەیەکی بەهێزی ئەوروپا ئاستی وەرزی رابردوویان ونکردووە و هەندێ یانەی دیکەش بە کواڵیتیکەی جیاوازترەوە دەرکەوتوون. کە رەنگە لە هەموویان زیاتر جێگیرتر و سەختتر تا ئێستا ئارسیناڵی ئینگلیزی بێت، ئەوەش بە وەرگرتنی ئەنجامەکانی پرێمەرلیگ و چامپیۆنزلیگ کە بێ رکابەر پێشەنگی هەردوو بەرەکەن.
لە 17 یاریی ئەم وەرزە، یانە لەندەنیەکە لەو دوو پاڵەوانێتیتە، تا ئێستا تەنها دۆڕانێک و دوو یەسکانبوونی هەیە. لە بەهێزترین لایەنی تیمەکەی میکێل ئارتێتا، بەهێزی هێڵی بەرگرییەتی کە تا ئێستا تەنها 7 جار گۆڵی لێکراوە. جگە لە ئارسیناڵ، چێڵسیش بووژانەوەی تەواوی بەخۆوە بینیەوە. وەک پاڵەوانی جیهان توانیویانە لە پرێمەرلیگ و چامپیۆنزلیگیش پارێزگاری لەو شکۆمەندیە بکەن.
لە نوێترین چاوپێکەوتندا، پرسیار ئاڕاستەی لویس ئێنریکی راهێنەری پاریس سانجێرمان کرا، کە ئێستا تیمەکەی لە چامپیۆنزلیگ بە سێ خاڵ لەدوای گەنەرزەوەیە ئایا یانە ئینگلیزیەکان هەنگاوێک لەپێش یانەکانی دیکەی ئەوروپاوەن، ناوبراو وتی
روون دیارە کە یانە ئینگلیزیەکان ئاستێکی زۆر بەرزیان هەیە. بەڵام ئەمە (چامپیۆنزلیگ) پاڵەوانێتیەکە کە زۆری ماوە. لە مانگی شوبات و مارس دەبینین کە چۆن ئەو تیمانەی ئێستا لە کێشەدان، ئاستیان دەگەڕێتەوە. ئەو تیمانەشی ئێستا باشن، چیتر هەمان ئاستیان نامێنێت.
ئێنریکی لە درێژەی باسەکەیدا ئارسیناڵی بە نموونە هێنایەوە و وتی
ئەوە شتێکی روونە یانەیەکی وەک ئارسیناڵ هەیە ئێستا لە هەردوو پاڵەوانێتیەکە پێشەنگە و گۆڵی لێناکرێت. ئەمەش دەرخەری ئاستێکی زۆر بەرزە، بەڵام چامپیۆنزلیگ بارودۆخی جیاوازی کاریگەریی تێدا دروستدەکات، بۆیە دەبێ چاوەڕێ بکەین.
Luis Enrique was asked about the level of English clubs and whether they are currently a step ahead of the rest of Europe:
“Obviously, the English teams have a very high level. But this is a competition [Champions League] that still has a long way to go. We’ll see in… pic.twitter.com/04WYcDfxbL
— Hayters TV (@HaytersTV) November 28, 2025
ئەو لێدوانانەی ئێنریکی دوای ئەوە دێن لە هەفتەی پێنجەمی چامپیۆنزلیگ تیەمەکەی بەئەستەم لە تۆتنهامی بردەوە لە یارییەکی دراماتیکی 5-3. لەولاشەوە چێڵسی و ئارسیناڵ توانیان دوو زلهێزی ئەوروپا بخەن. بلووز 3-0 لە بارسێلۆنای بردەوە و تۆپچیەکانیش 3-1 لە بایرن میونشن. تەنها مانچێستەر سیتی بوو لەنێو ئینگلیزیەکان شکستی خوارد ئەویش بەرامبەر لیڤەرکۆزن.



