یاریگا –
دوای ئه‌وه فۆرێنتیۆن پێریز بریایداوه له ساڵی 2026 واز له سه‌رۆكایه‌تی ریال مه‌درید بهێنێت، چرپەی رۆیشتنی و پرسیاری کێ دەبێتە جێگرەوەی؟ بووەتە باسی گەرمی میدیاکان و هاندەران. لێدوانێکی ئەندامێکی یانەکە، بیبی ئەلڤارێز، کە ئاماژەی بە خواستی پێرێز بۆ وازهێنان کردبوو، ئاگرەکەی خۆشتر کرد،
فلۆرەنتینۆ پێرێز، کە لە دوو قۆناغی جیاوازدا سەرۆکایەتیی یانەکەی کردووە، ڕیاڵ مەدریدی گۆڕیوە بۆ هێزێکی ئابووری و وەرزشیی ترسناک. بەڵام لەگەڵ نزیکبوونەوەی کۆتاییهاتنی ماوەی سەرۆکایەتییەکەی لە ساڵی 2028، چەند ناوێک وەک کاندیدی بەهێز بۆ گرتنەوەی شوێنی دەردەکەون، کە هەر یەکەیان چیرۆک و دیدگای تایبەت بە خۆی هەیە.
1. خۆزێ ئانخێل سانچێز: بڕیاره نهێنیه‌كان و میراتگری پێرێز
ئەگەر پێرێز ئیمپراتۆر بێت، ئەوا خۆزێ ئانخێل سانچێز دەستەڕاست و متمانەپێکراوترین پیاویەتی، سانچێزی تەمەن 58 ساڵ، کە بەڕێوەبەری جێبەجێکاری یانەکەیە، بە مێشکی ئابووری و وەرزشیی ڕیاڵ مەدرید دادەنرێت. ئەو لە وردترین وردەکارییەکانی یانەکە ئاگادارە و لە قۆناخی یەکەمی سەرۆکایەتیی پێرێزەوە وەک سێبەر لەگەڵیدا بووە.
بۆچی ئەو؟ هەڵبژاردنی سانچێز واتە بەردەوامی سیاسەتەکانی پێرێز بەبێ هیچ گۆڕانکارییەکی گەورە. ئەو میراتگری سروشتیی ئەو سیستمەیە کە پێرێز دایمەزراندووە و دەتوانێت بەبێ شۆک یانەیەکە بەڕێوەببات.
2. ئیمیلیۆ بوترۆگینیۆ: ئەفسانە خۆشەویستەکە و رووی دیپلۆماسیی یانەکە
بۆ هاندەرانی ریاڵ مەدرید، ناوی “El Buitre” (داڵەکە) یادەوەریی سەردەمێکی زێڕین دەهێنێتەوە یاد. بوترۆگینیۆی تەمەن 63 ساڵ، کە ئێستا بەڕێوەبەری پەیوەندییە دامەزراوەییەکانی یانەکەیە، تەنیا ئەفسانەیەکی یاریگا نییە، بەڵکو یەکێکە لە کەسایەتییە هەرە نزیکەکان لە پێرێز. ئەو ڕێزێکی بێئەندازەی لەلایەن هاندەران و ئەندامانی یانەکەوە هەیە و وەک ڕوویەکی دیپلۆماسی و ئارام بۆ یانەکە سەیر دەکرێت.
إيميليو بوتراغينيو حاضر في ملعب سانتياغو برنابيو ويراقب كل الاستعدادات لمباراة الأحد في دوري كرة القدم الأمريكية. 🏈 pic.twitter.com/VM2oFkiese
— Insider Real (@RMCFarab) November 14, 2025
بۆچی ئەو؟ بوترۆگینیۆ دەتوانێت یەکڕیزی و ئارامی بۆ یانەکە بپارێزێت. ئەو هێمای مێژووی یانەکەیە و دەتوانێت وەک پردێک لە نێوان نەوەی کۆن و نوێدا کار بکات.
3. کریستیانۆ ڕۆناڵدۆ: گەڕانەوەی پاشا بۆ تەختی سەرۆکایەتی
ئایا دەکرێت گۆڵکاری مێژوویی یانەکە بگەڕێتەوە و ببێتە سەرۆک؟ ئەمە خەونێکی گەورەیە، بەڵام دوور نییە لە ڕاستییەوە. رۆناڵدۆ پێشتر ئارەزووی خۆی بۆ چوونە ناو جیهانی بەڕێوەبردن دوای وازهێنانی پیشانداوە و ئێستا وەک یاریزان و بەڕێوەبردنی یانەی نەسری سعودیدا بەشدارە.
بۆچی ئەو؟ ڕۆناڵدۆ خاوەنی کاریزما و جەماوەرێکی خەیاڵییە. ئەو دەتوانێت بە ئاسانی دەنگی ئەندامانی یانەکە بەدەستبهێنێت و ناوی ئەو بە تەنیا دەتوانێت سپۆنسەری گەورە و سەرنجی میدیایی بۆ یانەکە ڕابکێشێت. گەڕانەوەی ئەو بۆ بێرنابیۆ لەم پۆستەدا، دەبێتە یەکێک لە گەورەترین یووداوەکانی مێژووی تۆپی پێ.
4. رافائێل نادال: پاڵەوانی تێنس و دڵی سپی
ئەفسانەی جیهانیی تێنس، رافائێل نادال، هەرگیز خۆشەویستیی خۆی بۆ ڕیاڵ مەدرید نەشاردووەتەوە. ئەو هەمیشە لە یاریگای سانتیاگۆ بێرنابیۆ ئامادە بووە و پەیوەندییەکی نایابی لەگەڵ فلۆرەنتینۆ پێرێزدا هەیە. نادال پێشتر ئاماژەی بەوە کردووە کە حەز دەکات رۆژێک لە ڕۆژان رۆڵێکی بەرپرسیارانە لە یانەکەدا ببینێت.
بۆچی ئەو؟ نادال ڕوویەکی نموونەیی و جیهانییە بۆ یانەکە. ئەو هێمای سەرکەوتن، کۆڵنەدان و ڕۆحی وەرزشییە. ئەو لە پۆستی سەرۆکایەتیدا، وێنەیەکی زۆر بەهێز و ئەرێنی بە یانەکە دەبەخشێت لەسەر ئاستی جیهان.
لە کۆتاییدا، هەرچەندە پێرێز هێشتا پاشایە، بەڵام شەڕی جێنشینی لە پشت پەردەوە دەستیپێکردووە و هەر یەک لەم ناوانە دەتوانن سەردەمێکی نوێ بۆ یانەی شاهانە بنووسنەوە.
