یاریگا –
پێپ گواردیۆلا، راهێنەری مانچێستەر سیتی، بۆرنمس بە یەکێک لە سەخترین یانەکانی پرێمەرلیگ دادەنێت.
لە گەڕی دەیەمی پرێمەرلیگدا، مان سیتی 3-1 لە یاریگای ئیتیحاد لە بۆرنمسی بردەوە و پێگەی خۆی لە پلەکانی پێشەوە تۆکمەترکرد.
گواردیۆلا لە دوای یارییەکە قسەی بۆ BBC کرد؛
بۆرنمس تیمێکی زۆر قورسە، بەڵام توانیمان بە ستایڵی خۆمان یاریی بکەین و لە چەندین رووەوە باشتربووین.
لە وەرزی رابردووەوە، بۆرنمس ئاستی بەرزی لە یارییەکانمان پێشکەشکردووە، تەنانەت وێرانیان کردووین. لە گێمی دووەمدا زۆر مەترسیداربوون و خەریکبوو یارییەکەمان لێببەن.
ئەستێرەکانی بۆرنمس زۆر سەرنجڕاکێشن، سێ چوار بەرگریکارییان لەدەستداوە، کەچی هەر لە رکابەریدان.
Pep Guardiola on whether he can sniff if Man City are in the Premier League title race:
“Hopefully Arsenal can concede one goal, one day!” 😅 pic.twitter.com/xUeGTa66a7
— Hayters TV (@HaytersTV) November 2, 2025
لە هاوینی رابردوودا، بۆرنمس هەریەکە لە دین هاوسن، میلۆش کێرکێز و ئێلیا زابارنی لەدەستدا.
گواردیۆلا لەبارەی گەڕانەوەی ئارسیناڵ بۆ رکابەریکردن لەسەر نازناوی پرێمەرلیگ، روونیکردەوە؛ ”هیوادارم رۆژێک لە رۆژان گۆڵێک لە ئارسیناڵ بکرێت”.
ئارسیناڵ بە جیاوازی شەش خاڵ لەگەڵ مانچێستەر سیتی و حەفت خاڵ لەگەڵ لیڤەرپوول پێشەنگی پرێمەرلیگی گرتووە.
هالاند وەکو گەورەکانە
دواتر گواردیۆلا قسەی بۆ تۆڕی هەواڵی سکای سپۆرتس کرد و باسی لە ئاست بەرزی هالاند کرد، کە لەم وەرزەدا 17 گۆڵی لە 13 یاریدا کردووە و پێپ لەڕووی رێژەی گۆڵکردنەوە بە کریستیانۆ رۆناڵدۆ و لیۆنێل مێسی وەسفکرد؛
کاریگەری هالاند زۆر گەورەیە و کاتێک بە رۆناڵدۆ یان مێسی یاریی دەکەیت، ئەم هەستەت بۆ دروست دەبێت.
سەیری ژمارەکانی بکەن، بەڕاستی لە ئاستێکی بەرزدایە. مێسی و رۆناڵدۆ بۆ ماوەی 15 ساڵ ئەم کارەیان دەکرد.
