یاریگا –
رۆژ لەدوای رۆژ زانیاریی نوێ لەسەر دەنگوباسی فرۆشتنی مانچێستەر یونایتد بڵاو دەکرێتەوە و، ئەمجارەش پێشهاتی تازە بڵاوکرایەوە.
ماوەیە دوو هەفتە دەبێت بابەتی فرۆشتنی مان یونایتد لەلایەن خێزانی گلەیزەرسەوە بووەتە سەرباسی مێدیاکانی ئینگلتەرا و، ناوی چەند کڕیارێکی بەهێز هەن بۆ کڕینەوەی یانەکە ئینگلیزیەکە. کە تێیاندا ئیماراتیەکان، هاوشێوەی سعوودیەکان رکابەرێکی بەهێزن.
لەم راپۆرتەدا بەوردیی بابەتی پەیوەنددار بخەوێنەوە:
بەگوێرەی نوێترین زانیاریی، گروپی وەبەرهێنی ئیماراتی ئەمڕۆ کاتژمێر 1ی پاشنیوەڕۆ لە لەندەنی پایتەختی بەریتانیا لەگەڵ بەرپرسانی مانچێستەر یونایتد کۆدەبنەوە.
زانیارییەکان ئەوەیان جەختکردووەتەوە کە ئیماراتییەکان زۆر جیددین بۆ کڕینی یانە ئینگلیزەکە. هەرچی خێزانی گلەیزەرسە، کراوەن بە رووی فرۆشتنی تەواوی بەشەکانی یانەکە.
Our Sources at @ManUtd are reporting that United Arab Emirates-based consortium are meeting #mufc officials in London at 1pm
The UAE 🇦🇪 officials are very serious about purchasing the club
𝐓𝐡𝐞 𝐆𝐥𝐚𝐳𝐞𝐫𝐬 𝐚𝐫𝐞 𝐨𝐩𝐞𝐧 𝐭𝐨 𝐚𝐥𝐥 𝐩𝐨𝐬𝐬𝐢𝐛𝐢𝐥𝐢𝐭𝐢𝐞𝐬 pic.twitter.com/qhmta9N360
— indykaila News (@indykaila) October 13, 2025
ماوەی 20 ساڵە بنکەی هاندەرانی مان یونایتد، بەتایبەت لەوکاتەوەی خێزانی گلەیزەرسی ئەمریکی یانەکەیان بە بڕی 790 ملیۆن پاوەند کڕی، ساڵ لەدوای ساڵ ناڕەزایەتی دەردەبڕن لە سیاسەتەکانی خاوەندارە ئەمریکییەکان. ئاستی ئەو ناڕەزایەتیانە لە 10 ساڵی رابردوودا گەیشتووەتە لووتکە، ئەوەش بەهۆی دوورکەوتنەوەی تیمەکەیان لە نازناوە گەورەکان. بە هاتنی سێرج جیم راتکڵیفی سەرمایەداری ئینگلیزیش کە شوباتی ساڵی 2024 بە رێژەی 25%ی پشکەکانی کڕیەوە، بارودۆخەکە هەر وەک خۆی ماوەتەوە ئەگەرچی دەستەوەستانیش نەبوونە لە گۆڕینی راهێنەر و ئەنجامدانی گرێبەست.
