دەنگۆكانی مێركاتۆ؛ تۆتنهام واز لە ئەستێرەیەكی سیتی ناهێنێت و داهاتووی راهێنەرێک لە مەترسیدایە

یاریگا –

ساڤیۆ لە پێشەنگی داواكارییەكانی تۆتنهامە، تۆماس فرانک دەیەوێت گرێبەست لەگەڵ یاریزانە بەڕازیلییەكە واژۆ بكات – ئێندیپێندیێت.

تۆتنهام ئامادەیە ئۆفەرێک بە بەهای 60.7 ملیۆن پاوەند بۆ گواستنەوەی ساڤیۆ پێشكەشی مانچێستەر سیتی بكات – تۆک سپۆرت.

مانچێستەر سیتی، ئارسیناڵ و لیڤەرپوول ئارەزووی گواستنەوەی رۆدریگۆ یاریزانی بەڕازیلی یانەی ریال مەدرید دەكەن، بەڵام تاوەكو ئێستا هیچ ئۆفەرێكیان بۆ گواستنەوەی پێشكەشنەكردووە – ماركا.

تۆتنهام و ئاستۆن ڤیلا هەوڵی بەدەستهێنانی تواناكانی لوكاس پاكوێتا دەدەن – دەیلی مەیڵ.

مۆناكۆ بۆ دەستبەرداربوون لە تواناكانی ماگنێس ئاكیۆشی داوای 47.5 ملیۆن پاوەند دەكات، تۆتنهام بۆ گواستنەوەی هێرشبەرە فەڕەنسیەكە لەسەر هێڵە – فوتبۆڵ ئینسایدەر.

سێنی لامێنس گۆڵپارێزی بەلجیكی نزیكە لەوەی بە بەهای 17 ملیۆن پاوەند پەیوەندی بە مانچێستەر یونایتدەوە بكات – گاردیان.

گراهام پۆتەر راهێنەری وێستهام پێوویستە ئەنجامەكانی باشتر بكات ئەگەر بیەوێت لە پۆستی راهێنەرایەتیكردنی یانەكە بمێنێتەوە – میرەر.

چێڵسی ئەگەر بتوانێت چەند یاریزانێكی دیكەی لە مێركاتۆی هاوینەدا بفرۆشێت ئەوا هەوڵی گواستنەوەی ئالیخاندرۆ گارناچۆ و چابی سیمۆنس چڕتر دەكاتەوە – سكای سپۆرتس.

ڤالێنسیا دەیەوێت بە خواستن لارگی رەمەزانی یاریزاگی بەلجیكی یانەی لیدز بگوازێتەوە – ئاتلێتیک.