هەولێر گرێبەستی لەگەڵ ئەستێرەیەکی کورد واژۆ کرد

یاریگا –

یانەی هەولێر گرێبەستی لەگەڵ ئەستێرەیەکی کورد واژۆ کرد.

کەمێک بەر لە ئێستا هەولێر گرێبەستی لەگەڵ ئەحمەد زێڕۆ، یاریزانی پێشووی یانەی شوڕتە واژۆکرد.

یانەی هەولێر لە مێرکاتۆی ئەم هاوینەدا لە هێڵی بەرگری گرێبەستی لەگەڵ هاڕوون زوبێدی و عەلا رەعد واژۆ کردبوو، ئێستا یاریزانێکی دیکەی بۆ هێڵی بەرگری زیادکرد.

زێڕۆ پێشتر یاریی بۆ یانەکانی دهۆک، زاخۆ و شوڕتە کردووە. لە جامی شا سەلمان رووبەڕووی کریستیانۆ رۆناڵدۆ یارییکردووە. ئەستێرە کوردەکە تەنیا یەک یاریی نێودەوڵەتی لەگەڵ هەڵبژاردەی عێراق کردووە.