یاریگا –
جەیمس مادیسن، بەهۆی پێکان بۆ ماوەیەکی زۆر دادەبڕێت و رەنگە نەتوانێت بەشداریی هیچ یارییەکی وەرزی نوێ بکات
یانەی تۆتنهام بەشێوەیەکی فەرمی رایگەیاند، بەستەری ئەژنۆی جەیمس مادیسن، ئەستێرەی تۆتنهام پچڕاوە و نەشتەرگەری بۆ دەکرێت، بەو هۆیە بۆ ماوەی شەش بۆ حەوت مانگ دووردەکەوێتەوە.
We can confirm that James Maddison will undergo surgery for a ruptured Anterior Cruciate Ligament (ACL) in his right knee.
We will be supporting you every step of the way, Madders 🤍
— Tottenham Hotspur (@SpursOfficial) August 7, 2025
یاریزانە 28 ساڵانییەکە لە کۆتایی هەفتەی رابردوو لە یارییەکی ئامادەکاری بەرامبەر نیوکاسڵ یونایتد لە کۆریای باشوور تووشی ئەو پێکانە سەختە بوو.
دووشەممەی رابردوو گەشتەکەی تۆتنهام لە ئاسیا کۆتایی هات و گەڕانەوە ئینگلتەرا. جەیمس پشکنینی پزیشکی وردی بۆکرا و دەرکەوت بەستەری ئەژنۆی پچڕاوە و بەمزووانە نەشتەرگەری بۆ دەکرێت.
بە ئەگەرێکی زۆر تاوەکو مانگی ئازاری ساڵی 2026 ناگەڕێتەوە و تاوەکو کۆتاییەکانی وەرزی نوێ لە یاریکردن بێبەش دەبێت.
