ئەمڕۆ چارەنووسی بێنیامین شێشكۆ یەکلاییدەبێتەوە
شەیتانە سوورەکەن لە گواستنەوەی نزیکن
یاریگا –
مانچێستەر یونایتد لە کۆتا هەنگاوەکانی یەکلاییکردنەوەی گرێبەستەکەی بێنیامین شێشكۆیە.
تۆڕی سکای سپۆرتس بڵاویکردووەتەوە، ئەمڕۆ لە لایپزیگ نوێنەرانی مانچێستەر یونایتد و لایپزیگ بۆ یەکلاییکردنەوەی گرێبەستەکەی بێنیامین شێشكۆی کۆدەبنەوە و دوایین وردەکارییەکانی گرێبەستەکە یەکلاییدەکەنەوە.
ئەگەر شەیتانە سوورەکان لە گواستنەوەی شێشکۆ سەرکەوتوو نەبن، نیوکاسڵ یونایتد ئامادەیە پارەی تەواو بۆ گواستنەوەی هێرشبەرەکەی لایپزیگ خەرج بکات.
🚨👀 Showdown in Leipzig today! Newcastle, like Manchester United, still have representatives on site in Leipzig, ready to react in case Man United cannot reach an agreement with Leipzig.
However, the Red Devils are going all in – especially because Benjamin #Sesko has now… pic.twitter.com/sqBdArFZnr
— Florian Plettenberg (@Plettigoal) August 7, 2025
بەڵام بەگوێرەی زانیارییەکانی سکای، دەکرێت ئەمڕۆ مانچێستەر گرێبەستەکە یەکلاییبکاتەوە و شێشکۆ ئامادەیە گەشتی ئینگلتەڕا بکات.
مانچێستەر یونایتد ئۆفەرێكی فەرمی بە بەهای 75 ملیۆن یۆرۆ و 10 ملیۆن گۆڕانكاری بۆ دەستبەرداربوون لە بێنیامین شێشكۆ پێشكەشی لایپزیگ كردووە.
بێنیامین شێشكۆ لە هاوینی 2023 لە ریزەكانی سالزبۆرگەوە بە بەهای 24 ملیۆن یۆرۆ پەیوەندی بە لایپزیگەوە كرد و بەهای ئێستای یاریزانەكە 70 ملیۆن یۆرۆیە.
شێشكۆ لەگەڵ لایپزیگ بەشداری 87 یارییكردووە و توانیویەتی 39 گۆڵ بكات و 8 گۆڵیش درووست بكات.
