فەرمی؛ بایرن میونشن گرێبەستێکی گەورەی راگەیاند
یاریگا –
بەشێوەیەکی فەرمی بایرن میونشن گواستنەوەی لویس دیاز، ئەستێرەی کۆڵۆمبی راگەیاند.
بایرن میونشن بەشێوەیەکی فەرمی رایگەیاند، لەگەڵ لویس دیاز، هێرشبەری پێشووی لیڤەرپوول گرێبەستێکی درێژخایەنیان بۆ ماوەی چوار وەرز و تاوەکو هاوینی 2029 واژۆکردووە.
بە گوێرەی سەرچاوەكان لویس دیاز بە بەهای 75 ملیۆن یۆرۆ و بۆ ماوەی چوار ساڵ پەیوەندی بە تیمەكەی ڤینسینت كۆمپانیەوە دەكات.
Lucho is here! 🔴⚪️
FC Bayern sign Luis Díaz. ✍️
🔗 https://t.co/pFoss6k3zd#MiaSanMia #ServusLuis pic.twitter.com/ND0AutmmUt
— FC Bayern (@FCBayernEN) July 30, 2025
لە سەرەتای ئەم مانگە، باڤارییەکان ئۆفەرێکیان بە بەهای 58.5 ملیۆن پاوەند پێشکەش بە رێدز کرد، بەڵام یانە ئینگلیزیەکە ئۆفەرەکەی رەتکردەوە و ئامادە نەبوو دەستبەرداری دیاز ببێت.
بەڵام لەم هەفتەیە یانە باڤارییەکە لەگەڵ رێدز دەستی بە گفتوگۆ کردەوە، ئۆفەرێکی دیکەی بە بەهای 75 ملیۆن یۆرۆ پێشکەش کرد و یانە ئینگلیزییەکەش بەو ئۆفەرە رازیبوو،
لویس دیاز لە هاوینی 2022 لە ریزەكانی پۆرتۆ بە بەهای 54 ملیۆن یۆرۆ پەیوەندی بە لیڤەرپوولەوە كرد و گرێبەستی هێرشبەرە کۆڵۆمبییەکە لەگەڵ لیڤەرپوول لە هاوینی 2027 بەسەردەچوو، بەهای ئێستای یاریزانەکە لە بۆڕسەی یاریزانان 70 ملیۆن یۆرۆیە.
ئەستێرە کۆڵۆمبییەکە 148 یاریی لەگەڵ لیڤەرپوول کردووە، خاوەنی 41 گۆڵ و 23 ئەسیستە لە سەرجەم پاڵەوانیەتییەکان.
𝘽𝙞𝙚𝙣𝙫𝙚𝙣𝙞𝙙𝙤, 𝙗𝙖𝙡𝙡𝙚𝙧 😎🇨🇴 #ServusLuis pic.twitter.com/BKUsTmdW4k
— FC Bayern (@FCBayernEN) July 30, 2025
