ئاماژەی روونتر دەرکەوت بۆ پەیوەندیکردنی یۆکێرێش بە گەورەیەکی پرێمەرلیگەوە
یاریگا –
بەوگێرەی نوێترین زانیاریی و پێشهاتەکان ڤیکتۆر یۆکێرێشی گۆڵکاری سپۆرتینگ تەنها چەند هەنگاوێک لە پەیوەندیکردنی بە یانەی ئارسیناڵەوە دوورە.
یۆکێرێش هاوشانی بینیامین شێشکۆ دوو دیارترین ئامانجی ئارسیناڵ بوون بۆ سەرکردایەتیکردنی هێڵێ پێشەوەی تیمەکەی میکێل ئارتێتا بۆ وەرزی داهاتوو، سەرەنجام کارگێڕی گەنەرز ئەستێرە سویدیەکەی هەڵبژارد.
بەگوێرەی نوێترین زانیاریی کە CNN بڵاویکردووەتەوە، لە وێنەیەکدا بارهەڵگرێکی ماڵگوێزەرەوە لە نزیک ماڵی هێرشبەرەکە لە سپۆرتینگ دەردەکەوێت کە کەلوپەلەکانی نێو خانووەکەی دەگوازێتەوە. ئەوەش وەک ئاماژەیەکی دیکەی بەهێز بۆ جێهێشتنی شارەکە و گواستنەوەی بارگەی بەرەو باکووری لەندەن.
🚨 Removal vans have been spotted outside Viktor Gyökeres’ house in Portugal. 🕵️♂️👀 [@cnnportugal] pic.twitter.com/ufgtrdLAI8
— DailyAFC (@DailyAFC) July 17, 2025
کارگێڕی سپۆرتینگ چەندین جار جەختیان لەوەکردەوە کە بە کەمتر لە 75 ملیۆن یۆرۆ دەستبەرداری گۆڵکارەکەیان نابن، ئەوەش یاخیبوونی یۆکێرێشی لێکەوتەوە و لە راهێنانەکانی یانەکە خۆی دوورخستەوە. دواتر هەڕەشەی راستەوخۆی سەرۆکی یانەکەی بەدواداهات کە ئەگەر بێت و لە هەڵوێستەکانی بەردەوام بێت و داوای لێبوردن لە تیمەکە نەکات.
بەگوێرەی نوێترین زانیاریی کە سەن سپۆرتی ئینگلیزی بڵاویکردووەتەوە، ئێستا ئارسیناڵ نزیکە لە یەکلاکردنەوەی فەرمی گرێبەستی ڤیکتۆر بە بەهای 69 ملیۆن پاوەند. بەوەش بە ئەگەرێکی زۆرەوە چیتر لەمپەرەکانی سپۆرتینگ لەبەردەم رۆشتنی سوپەرستارەکەی نابینرێت بۆ هەڵبژاردنی وێستگەی داهاتووی.
