ئێستا؛ ئینتەر میلان وەڵامی یەکەم ئۆفەری فەرمی گالاتاسەڕای دەداتەوە
گالاتاسەڕای بەڕژدی کار لەسەر گواستنەوەی چاڵهانئۆغلو دەکات
یاریگا –
ئینتەر میلان یەکەم ئۆفەری گالاتاسەڕی بۆ دەستبەرداربوون لە هاکان چاڵهانئۆغلو رەتدەکاتەوە.
رۆژنامەی سپۆرت مێدیاسێت بڵاویکردووەتەوە، گالاتاسەڕای بۆ گواستنەوەی هاکان چاڵهانئۆغلو یەکەم ئۆفەری فەرمی پێشکەش بە ئینتەر میلان کردووە بەڵام یانە ئیتاڵییەکە ئۆفەرەکەی رەتکردووەتەوە.
بەگوێرەی زانیارییەکانی رۆژنامە ئیتاڵییەکە، یانە تورکییەکە بۆ گواستنەوەی هاکان بڕی 17 ملیۆن یۆرۆی پێشکەش کردووە، بەڵام ئینتەر میلان داوای 32 ملیۆن یۆرۆ دەکات.
🚨 Inter Milan have rejected a €17M bid for Hakan Çalhanoğlu from Galatasaray.
Inter want around €32M.
(Source: Sport Mediaset) pic.twitter.com/yUjCjw3zyO
— Transfer News Live (@DeadlineDayLive) July 7, 2025
ئەستێرە تورکییەکە لە هاوینی 2021 بە گرێبەستێکی ئازاد ئەیسی میلانی جێهیشت و پەیوەندی بە ئینتەر میلانی رکابەری کرد. بەهای ئێستای لە بۆڕسەی یاریزانان 30 ملیۆن یۆرۆیە.
هاکانی تەمەن 31 ساڵ بە درێسی ئینتەر میلان لە سەرجەم پاڵەوانێتییەکان بەشداریی 182 یاریی کردووە، 38 گۆڵی کردووە و 32 گۆڵی دروستکردووە.
