یاریگا –
بارسێلۆنا، پاڵەوانی وەرزی رابردووی ئیسپانیا بە بەشداری ئەستێرەکانی یانەکەی درێسی وەرزی داهاتووی نمایش کرد.
یانە کاتالوونیەکە وەرزی رابردوو لەسەر ئاستی پیاوان و خانمان سێیانە نازناوی بەدەستهێنا و وەرزێکی سەرکەوتووی بەڕێکرد، ئێستاش خۆی بۆ وەرزێکی دیکەی پڕ سەرکێشی ئامادە دەکات.
لەکاتی نمایشی درێسەکە ئەستێرەکانی بارسێلۆنا باسی دەستکەوتەکانی وەرزی رابردوو دەکەن و بردنەوە لە ریال مەدرید بە دەستکەوتێکی گەورە وەسف دەکەن.
لامین یامال لەبارەی کلاسیکۆ؛
دەبووایە یارییەکە ئەو کاتە دەستیپێکردایە، کە گۆڵی دووەمیان کرد، دەزانی حەزم لە چییە؟ برا، 4-0 لە بێرنابیۆ بەڕاستی زۆر ناوازە بوو.
تەنیا بارسێلۆنا؟
لامین یامال؛ بارسێلۆنا و هەموو دونیا، باشترە خۆمان ئامادە بکەین.
Shaping the future. We are an eager, hungry team with a lot to say and everything ahead of us. We are here to forge the path not follow it. This is us – real, approachable, unfiltered. We speak how we feel, we dress how we want and we play as we know how. The future starts here.… pic.twitter.com/q8rFQyQA7i
— FC Barcelona (@FCBarcelona) July 2, 2025
درێسە نوێیەکە سەرەڕای هێڵە کولتوورییەکانی کە زیاتر لە 125 ساڵە لەسەر درێسەکانی بەدی دەکرێت، لە دیزاینە نوێیەکەدا هێڵەکان ماون بەڵام لەگەڵ رەنگە شین و هەنارییەکە وەکوو سێبەرێک تێکەڵ بەیەکدی بوونەوە. دیزاینێکی کولتووری تێکەڵ بە مۆدێرن، تێکەڵەیەک لە درێسی وەرزی رابردوو لەگەڵ درێسی وەرزەکانی 1899 تاوەکوو 1910.
درێسەکە ئێستا لە فرۆشگاکانی بارسێلۆنا و نایکی بەردەستە. نرخی هەر درێسێکی بۆ پیاوان 164.99 یۆرۆیە.
درێسی خانمان بە هەمان شێوە بەردەستە و نرخەکەی 164.99 یۆرۆیە.
بۆ منداڵانیش درێسەکە نرخی دەگاتە 69.99 یۆرۆ.
