لە کاتێکی هەستیاردا یاریزانێکی کاریگەری ئینتەر یانەکەی جێدەهێڵێت
هۆکارەکەی راگەیاندووە
یاریگا –
یاریزانێکی ئینتەر میلان کە ئێستا لەگەڵ شاندی نیرازوریە لە ئەمریکا، یانەکەی جێدەهێڵێت و هۆکارەکەشی ئاشکراکردووە.
ئەمڕۆ ئینتەر لە قۆناخی 16ی مۆندیالی یانەکان رووبەڕووی یانەی فلومینێنسی بەڕازیلی دەبێتەوە. بۆ ئەو یاریەش داڤیدێ فراتێسی ئیتاڵی ئامادەنابێت و دەگەڕێتەوە بۆ وڵاتەکەی.
فراتێسی کە لە پێگەی ناوەراستی چەق یاریی دەکات، لای هاندەرانی ئینتەر ناوێکی لەبیرنەکراو دەبێت بەهۆی ئەو گۆڵەی لە خولەکی +99 لە تۆڕی بارسێلۆنای تۆمارکرد لە یاریی گەرانەوەی قۆناخی پێش کۆتایی چامپیۆنزلیگ کە تێیدا فراتێسی و هاوتیمەکانی 4-3 بردنەوەیەکی مێژووییان تۆمارکرد.
بەگوێرەی ئەو پەیامەی لە ستۆری ئینستاگرامی خۆی بڵاویکردووەتەوە، یاریزانە 25 ساڵییەکە نووسیویەتی
بە رێککەوتن لەگەڵ یانەکە و دەستەی هونەریی دەگەڕێمەوە بۆ ئیتاڵیا بۆ ئەنجامدانی پشکنینی چڕتر بەهۆی ئەو گرفتەی لەوەتەی یارییەکەی بارسێلۆنا تووشم هاتووە.
بەمزووانە دەتانبینمەوە. هەمیشە بۆ پێشەوە ئینتەر.
هیوای بەختێکی گەورە و باش بۆ هاوتیمەکانم.
Il messaggio di Frattesi che lascia gli USA e torna in Italia… pic.twitter.com/rSoAnTtIgG
— Solo ed esclusivamente INTER ⭐️⭐️ (@SoloEsclusivInt) June 29, 2025
فراتێسی وەرزی رابردوو لەگەڵ ئینتەر 47 یاریی ئەنجامدا توانی 7 گۆڵ و 2 ئەسێست بکات.
