کریستیانۆ رۆناڵدۆ راهێنەری نوێی نەسڕ دەستنیشاندەکات
بەڵێی بۆ نەسڕ کردووە..
یاریگا –
نەسڕی سعوودی لە رێککەوتن لەگەڵ خۆخێ خێسوس، راهێنەری پێشووی هیلال نزیکبووەتەوە.
ۆژنامەنووسی فووت مێرکاتۆ سانتی ئاونا بڵاویکردووەتەوە، کریستیانۆ رۆناڵدۆ لەگەڵ خۆخێ خێسوس گفتوگۆی کردووە و دەیەوێت بۆ وەرزی نوێ راهێنەرە پۆرتوگالییەکە سەرپەرشتی نەسڕ بکات.
هەر بەگوێرەی زانیارییەکانی هەمان سەرچاوە، خۆخێ خێسوس بەڵێی بۆ نەسڕ کردووە و ئامادەیە ئەرکی راهێنەرایەتی یانە سعوودیەکە لەئەستۆ بگرێت.
ئێستا گفتوگۆی نێوان نوێنەرانی یانەی نەسڕ و راهێنەرەکەی پێشووی هیلال بەردەوامە و هەوڵدەدەن بگەنە رێککەوتنی کۆتایی.
🚨🟡🔵🇵🇹 #SPL |
➡️ More on Jorge Jesus and Al-Nassr exclusive story
✅️ Cristiano Ronaldo and Jorge Jesus have already talked together. CR7 wants Jorge Jesus on the bench of Al-Nassr
❗️Jorge Jesus has already said yes to Al-Nassr
🔐 Negotiation underway to try to reach an… pic.twitter.com/yKoZWAfCud
— Santi Aouna (@Santi_J_FM) June 28, 2025
خێسوس لە هاوینی 2023 پۆستی راهێنەرایەتی هیلالی وەرگرت، لە مانگی ئازاری ئەمساڵیش لە پۆستەکەی دوورخرایەوە.
نازناوی خولی سعوودیە و جامی سعوودیە و جامی سوپەری سعوودیەی بۆ هیلال بەدەستهێناوە.
پێنجشەممەی رابردوو کریستیانۆ رۆناڵدۆ گرێبەستەکەی لەگەڵ نەسڕ تاوەکو هاوینی 2027 نوێکردەوە و دەیەوێت لە وەرزی نوێ کێبڕکێ لەسەر بەدەستهێنانی نازناوەکان بکات.
