یاریگا –
كریستیانۆ رۆناڵدۆ، ئەستێرەی پۆرتوگالی دووپاتیكردەوە ئامادەم لە پێناو هەڵبژاردەكەم هەموو شتێک بكەم.
شەوی رابردوو لە یاریی كۆتایی نەیشنزلیگ هەڵبژاردەی پۆرتوگال رووبەڕووی هەڵبژاردەی ئیسپانیا بوویەوە و یارییەكەش بە لێدانی یەكلاكەرەوە لە بەرژەوەندی هەڵبژاردەی پۆرتوگال كۆتاییهات.
كریستیانۆ رۆناڵدۆ توانی گۆڵی دووەم و یەكسانی پۆرتوگال بەرامبەر ئیسپانیا بكات و بۆ جاری دووەم توانیان نازناوەكە ببەنەوە.
𝗩𝗘𝗡𝗖𝗘𝗗𝗢𝗥𝗘𝗦 𝗡𝗢𝗩𝗔𝗠𝗘𝗡𝗧𝗘! 🏆🏆 #FazHistória | #NationsLeague pic.twitter.com/iJfn0AtpYz
— Portugal (@selecaoportugal) June 8, 2025
لە دوای یارییەكە كریستیانۆ رۆناڵدۆ گوتی:
شانازی بەم تیمەوە دەكەم، بۆ هاندەرانی پۆرتوگال و بردنەوەی نازناوەكە دڵخۆشم.
لە كاتی خۆ گەرمكردنەوەكاندا هەستم بە پێكانكرد، بەڵام پێداگریم لەسەر بەشداریكردن كرد، ئامادەم لە پێناو هەڵبژاردەكەم قاچم بشكێنم و بۆ وڵاتەكەم یاریی بكەم تەنانەت ئەگەر بە یەك قاچیش بێت.
لە زۆر وڵات ژیاوم و لە زۆر یانە یارییم كردووە، بەڵام كاتێک باسی پۆرتوگال دەكرێت، شانازی دەكەم كە كاپتنی ئەم نەوەیەی ئێستام.
ستایشی رۆبێرتۆ مارتینێز دەكەم كارێكی زۆریكردووە بۆ ئەوەی جارێكی دیكە پۆرتوگال نازناو بباتەوە.
É NOSSA!!!!!! 🏆 pic.twitter.com/YPqYflKKiE
— Cristiano Ronaldo (@Cristiano) June 9, 2025
