بەرپرسانی تۆپی پێی ئەمریکا بڕیاریانداوە بۆ ماوەی 10 دەرگای بازاڕی گواستنەوەی بکەنەوە بۆ ئەوەی یانەکانی ئەمریکا بتوانن یاریزان بگوازنەوە بەر لە جامی جیهانی یانەکان.
دوو یانەی خولی ئەمریکی بەشداری لە جامی جیهانی یانەکان دەکەن ئەوانیش ئینتەر مەیامی و سیاتڵ واندەرزن، هەروەها لۆس ئەنجلس گالاکسی یارییەکی پاڵاوتن ئەنجام دەدات و لە باری بردنەوەیدا دەبنە سێ یانە.
بڕیارە تایبەتەکە تەنها بۆ ئەو یانانەیە کە لە جامی جیهانی یانەکان بەشدارن و بەگوێرەی ماڵپەڕی گۆڵ لە نێوان 1-10 ی مانگی 6دا دەبێت. واتە تاوەکو پێنج رۆژ بەر لە دەستپێکردنی پاڵەوانێتییەکە.
بەرپرسانی خولەکە ترسی ئەوەیان هەیە ئاستی یانەکانی وڵاتەکەیان زۆر لاوازتر بێت لە یانەکانی دیکە و ئەمەش لە پشت بڕیارەکەوەیە. بە تایبەت ئینتەر مەیامی کە سەرەڕای هەبوونی مێسی سوارێز، بوکسێتس و ئەلبا لەم دواییەدا ئاستی بە تەواوی دابەزیووە.
بازاڕی ئاسایی گواستنەوەی خولی ئەمریکی لە 7/24دا دەکرێتەوە و ئەو 10 رۆژە چانسێکە بۆ یانەکان ئەگەر بە تایبەت بۆ ئەو پاڵەوانێتییەش بێت بتوانن پێکهاتەکانیان بەهێزتر بکەن.
ئینتەر مەیامی لە کۆمەڵەیەکی تارادەیەک ئاسان دایە و رووبەرووی یانەکانی ئەهلی مسڕی، پاڵمێراسی بەڕازیلی و پۆرتۆی پۆرتوگالی دەبێتەوە. یەکەم و دووهەمی کۆمەڵەکان راستەوخۆ دەگەنە قۆناغی داهاتوو.
