تەواو؛ ریال مەدرید گرێبەستی دوو یاریزانی نوێکردەوە
یاریگا –
ریال مەدرید گرێبەستی لوکا مۆدیچ و لوکاس ڤاسکێس نوێدەکاتەوە.
رۆژنامەی ئاسی ئیسپانی بڵاویکردووەتەوە، ریال مەدرید گرێبەستی لوکا مۆدریچ و لوکاس ڤاسکێسی بۆ ماوەی مانگێک نوێکردووەتەوە بۆ ئەوەی هەردوو یاریزانەکە بتوانن بەشداریی جامی جیهانی یانەکان بکەن کە لە هاوینی داهاتوو بەڕێوەدەچێت.
لە مانگی حەوت گرێبەستی هەردوو یاریزانەکە بەسەردەچێت، بەڵام گرێبەستەکانیان تاوەکو کۆتایی مانگی حەوت نوێکراوەتەوە و بەوشێوەیەش دەتوانن بەشداریی جامی جیهانی یانەکان بکەن.
💥 Cuatro futuros en el alambre
4⃣ Lucas Vázquez, Fran García, Alaba y Modric, todos con opciones de salir de inicio ante el Getafe, afrontan este tramo final de curso conscientes de que se juegan su futuro
✍️ @AS_ManudeJuan https://t.co/PKJgnOOReN
— Diario AS (@diarioas) April 23, 2025
هەرچەندە گرێبەستی نوێی دوو یاریزانەکە تەنیا بۆماوەی مانگێکە، بەڵام ناوەڕاستکارە کڕواتییەکە هیواخوازە وەرزی داهاتووش لە یانەکە بمێنێتەوە و گرێبەستەکەی بۆ وەرزێکی دیکە نوێبکاتەوە.
بەڵام مانەوەی لوکاس ڤاسکێس لە یانەکە ئەگەرێکی لاوازە و پێشبینی دەکرێت دوای جامی جیهانی یانەکان ماڵئاوایی لە ریال مەدرید بکات.
لە مانگی حوزەیرانی 2025 بۆیەکەمجار جامی جیهانی یانەکان بە سیستەمێکی نوێ و بە بەشداری 32 یانە لە ئەمریکا بەڕێوەدەچێت. بودجەی گشتی پەسەندکراوی فیفا بۆ بەڕێوەبردنی پاڵەوانێتییەکە 2 ملیار دۆلار دەبێت.
راپۆرتی تایبەت؛ پاداشتە داراییەکانی جامی جیهانی یانەکان چۆن دابەش دەکرێن؟
