یاریگا –
هەڵبژاردەی ئەرجەنتین گورزێکی دیکەی قورسی بەرکەوت بەر لە دوو رووبەڕووبوونەوەی گرنگی خۆیان لە پاڵاوتنەکانی جامی جیهانی 2026.
ئەرجەنتین بەبێ لیۆنێل مێسی کاپتنیان دەستیان بە راهێنەکان کرد وەک خۆئامادەکارییەک بۆ دوو یاریی داهاتوویان بەرامبەر ئوروگوای و بەڕازیل لە شەممە و چوارشەممەی هەفتەی داهاتوو. ئێستاش یاریزانێکی دیکەی کاریگەریان دوورکەوتەوە.
بەگوێرەی زانیارییەک کە فابریزۆ رۆمانۆ بڵاویکردووەتەوە، لاوتارۆ مارتینێز کامپی راهێنانەکانی تانگۆی جێهێشتووە و بۆ ئەو دوو یارییەی هەفتەی داهاتوو ئامادەنابێت.
رۆژنامەنووسەکە هۆکاری دوورکەوتنەوەی هێرشبەرەکەی ئینتەر میلانی گەڕاندووەتەوە بۆ هەبوونی پێکان لە ماسوولکەکانیدا.
جگە لە مێسی و لاوتارۆ، پاڵەوانەکانی جیهان هەر بەهۆی پێکانەوە لە تواناکانی لیساندرۆ مارتینێز بێبەشە، ئەمەیان بەهۆی پێکانێکی سەختەوە لە یارییەکانی مانچێستەر یونایتد تووشی بووە و درەنگتر دەگەڕێتەوە.
🚨🇦🇷 Lautaro Martínez leaves Argentina camp and he won’t be available for the games against Brazil and Uruguay.
He’s dealing with muscle discomfort. pic.twitter.com/cIrktwIlrL
— Fabrizio Romano (@FabrizioRomano) March 19, 2025
ئەرجەنتین لە پاڵاوتنەکانی کیشوەری ئەمریکای باشوور 11 یاریی ئەنجامداوەز بە کۆکردنەوەی 25 خاڵ لە پلەی یەکەمی ریزبەندییەکە دەبینرێت بە جیاوازیی 5 خاڵ لە نزیکترین رکابەری کە ئوروگوایە.
