کیلیان ئێمباپێ ژمارە پێوانەییەکی مێژوویی تۆمارکرد

یاریگا –
کیلیان ئێمباپێ وەک لاوترین یاریزانی مێژووی تۆپی پێ ژمارە پێوانەییەکی مێژوویی تۆمارکرد.
شەوی رابردوو لە یاریی گەڕانەوەی قۆناخی پلەی ئۆفی چامپیۆنزلیگ، کیلیان ئێمباپێ لە سانتیاگۆ بێرنابیۆ هاتریکی بەرامبەر مانچێستەر سیتی کرد و یانەکەی گەیاندە قۆناخی شازدەی چامپیۆنزلیگ.
کیلیان ئێمباپێ بەو هاتریکە ناوی چووە مێژوو، بووە لاوترین یاریزان بەشداری سەرو 500 گۆڵ بکات. ئەستێرە فەڕەنسییەکە لە کاروانی وەرزشیدا 492 یاریی کردووە، بەشداریی 502 گۆڵی کردووە. 360 گۆڵی کردووە و 142 گۆڵی دروستکردووە. ئێستا تەمەنی 26 ساڵ و 61 رۆژە.
هاوکات بەدرێژایی مێژووی چامپیۆنزلیگ کیلیان ئێمباپێ تاکە یاریزانە لە هەردوو یاریگای سانتیاگۆ بێرنابیۆ و کامپ نو هاتریکی کردووە.
ئێمباپێ بەدرێسی ریال مەدرید لە سەرجەم پاڵەوانێتییەکان 38 یاریی کردووە و بەشداریی 32 گۆڵی کردووە. 28 گۆڵی کردووە و 4 گۆڵی دروستکردووە.