چوار یانەی پرێمەرلیگ دەیانەوێت جواو فێلیکس بگوازنەوە ریزەکانیان
یاریگا –
ئاستۆن ڤیلا و سێ یانەی دیکەی پرێمەرلیگ دەیانەوێت جواو فێلیکس لە چێڵسییەوە بگوازنەوە ریزەکانیان.
فابریس هاوکینس رۆژنامەنووسی فەڕەنسی ئاشکرایکردووە، ئاستۆن ڤیلا دەیەوێت لە مێرکاتۆی زستانە جواو فێلیکس یاریزانی پۆرتوگاڵی یانەی چێلسی بگوازنەوە ریزەکانیان، تەنانەت ئاستۆن ڤیلا لەگەڵ یانە لەندەنییەکە دەستی بە گفتوگۆ کردووە.
🟣🔵 Aston Villa, one of four clubs reaching out to João Félix’s agent Jorge Mendes to discuss potential last minute deal.
It all depends on Chelsea as the formula of the deal is not easy to set for final days.
Unai Emery remains clear; if there’s a chance, he wants João. pic.twitter.com/sRZBEtwmaO
— Fabrizio Romano (@FabrizioRomano) January 28, 2025
فابریزیۆ رۆمانۆ رۆژنامەنووسی ئیتاڵی ئاشکرایکردووە، ئۆنای ئێمری راهێنەری ئاستۆن ڤیلا داوای فیلێکسی کردووە، کە هاوینی رابردوو ئەو یاریزانە پۆرتوگاڵییە بەرامبەر 46.3 ملیۆن پاوەند لە ئاتلێتیکۆ مەدریدەوە روویکردە ریزەکانی بلووز، ئاستۆن ڤیلا پەیوەندیی بە خۆرخێ مێندێز بەڕێوەبەری کارەکانی فێلیکس کردووە بۆ ئەوەی بیگوازێتەوە ریزەکانی.
فێلیکس (25 ساڵان) ئێستا لە بۆرسەی یاریزانان نرخەکەی 30 ملیۆن یۆرۆیە و لەم وەرزە لەگەڵ بلووز دەرفەتی یاریکردنی کەمە، لە پرێمەرلیگ تەنیا 363 خولەک یاریی کردووە، لە سەرجەم پاڵەوانێتییەکان لەم وەرزە بەشداریی 20 یاریی کردووە و 7 گۆڵ و 2 ئەسیستیشی کردووە.
