دەنگۆکانی مێرکاتۆ؛ ویڵیامس بیلباو جێدەهێڵێت و ریال مەدرید بەرگریکارێکی پرێمەرلیگی دەوێت

یاریگا –

تۆتنهام تەواوی سەرنجی لەسەر گواستنەوەی ناوەڕاستکارێک داناوە، ئارسیناڵ لە گواستنەوەی گەوهەرێکی نەرویجی نزیکە و وۆڵڤز بەرگریکارێکی خولی فەڕەنسا دەگوازێتەوە…

تۆتنهام گفتوگۆی لەگەڵ ساومسامتن و لیل بۆ گواستنەوەی تایلەر دیبڵینگ و ئانجڵ گۆمێس دەستپێکردووە – تێلێگراف

تۆتنهام و ئارسیناڵ ئامادەن بڕی 58 ملیۆن یۆرۆ بۆ هەڵوەشاندنەوەی گرێبەستی نیکۆ ویڵیامس پێشکەشی ئاتلێتیک بیلباو بکەن – فیچاخێس

ریال مەدرید، بایرن میونشن و یوڤێنتوس گرنگیان بە دین هیوسن، بەرگریکاری بۆرنمس داوە – فیچاخێس

ئارسیناڵ زۆر لە گواستنەوەی سڤێرێ نیپان، ناوەڕاستکاری نەرویجی و رۆسبنبۆرگ نزیکە –  ئیندیپێندێنت

بایەر لیڤەرکوزن و مانچێستەر سیتی گفتوگۆکانیان بۆ گواستنەوەی جەیمس ماکئاتێ دەستپێکردووە – دەیلی مەیڵ

ئێمیلیانۆ بوێندیا، ناوەڕاستکاری ئاستۆن ڤیلا نزیکە بە خواستن پەیوەندی بە بایەر لیڤەرکوزن بکات – فلۆریان پلێتێنبێرگ

ئاستۆن ڤیلا و چێڵسی لەسەر گواستنەوەی ئاکسێل دیساسی بۆ ڤیلا پارک رێککەوتوون – فابریزیۆ رۆمانۆ

جواو فێلیکس لەلایەن ئاستۆن ڤیلاوە داواکراوە، بەڵام ناتوانێت بە خواستن زیاتر لە یەک یاریزان لە چێڵسی بگوازێتەوە – تۆک سپۆرت

جۆن دوران، هێرشبەری ئاستۆن ڤیلا بووەتە ئامانجی نەسڕی سعوودی و بەهای ئێستای لە بازاڕەکان گەیشتووەتە 100 ملیۆن یۆرۆ – فووتبۆڵ ترانسفێرس

وۆڵڤز گفتوگۆی لەگەڵ لێنس بۆ گواستنەوەی کێڤن دانسۆ دەستپێکردووە – تێلێگراف

بۆ گواستنەوەی کەریم ئادیێمی، هێرشبەری بۆڕووسیا دۆرتموند، لیڤەرپوول و چێڵسی رکابەری ناپۆلی دەکەن – کۆریێرێ دێلۆ سپۆرت

نیوکاسڵ یونایتد چاوی بڕیوەتەوە ئیلیا زابارنی، بەرگریکاری نێودەوڵەتی یوکراینا و بۆرنمس – I

مانچێستەر یونایتد دەیەوێت بە خواستن کریستۆفەر ئێنکونکو، هێرشبەری چێڵسی بگوازێتەوە، بەو مەرجەی مارکوس راشفۆرد ریزەکانی یانەکە جێبهێڵێت – ئاتلێتیک

راشفۆرد تاوەکو ئێستا ئێستا چاوەڕێی بارسێلۆنایە – میرەر

چێڵسی چاوی بڕیوەتە بێنیامین شێشکۆ، هێرشبەری سلۆڤینیا و لایپزیگ، بەڵام هیچ هەنگاوێکی فەرمی نەناوە – تیم تۆک

برێنتفۆرد ئامادەکاری بۆ گواستنەوەی ئاندرێس کریستێنسێن، بەرگریکاری بارسێلۆنا دەکات – ئیندیپێندێنت