یاریگا –
ئەمڕۆ لە یارییەكی دیكەی لالیگا ریال مەدرید لە یاریگای خۆیدا میوانداری لاس پاڵماس دەكات.
وا بڕیارە ئەمڕۆ یەكشەممە كاتژمێر 18:15 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری لاس پاڵماس بكات، لە میانی یارییەكانی گەڕی 20 لالیگا.
پڕۆفایلی یاری
ریال مەدرید لە یاریی رابردوودا توانی بەرامبەر سێلتا ڤیگۆ لە قۆناخی شازدەی جامی شای ئیسپانیا بردنەوە بەدەستبهێنێت و خۆی بگەیەنێتە قۆناخی چارەكی كۆتایی پاڵەوانییەتیەكە.
لەم وەرزەدا ریال مەدرید لە 19 یاری لالیگای ئیسپانیا 13 یاریی بردووەتەوە و چوار یاریی یەكسان بووە و دوو یاریش دۆڕاوە.
بە كۆكردنەوەی 43 خاڵ لە پێشەنگی ریزبەندی لالیگا دێت.
لە بەرامبەردا لاس پاڵماس لە 19 یاریی شەش یاریی براوە بوون وچوار یاریی یەكسان بوون و نۆ یارییش دۆڕاون.
بە كۆكردنەوەی 22 خاڵ لە ریزبەندی چواردەی لالیگا دێن.
هەواڵی پێكانی یاریزانەكان
ریال مەدرید بەهۆی راگیرانەوە لە تواناكانی ڤینیسیۆس جونیۆر و لوكا مۆدریچ بێبەش دەبێت، هەروەها بەهۆی پێكانیشەوە لە تواناكانی ئیدێر میلیتاو، دانی كارڤاخال وئێدواردۆ كاماڤینگا بێبەش دەبێت.
لەبەرامبەردا لاس پاڵماس بە بێ ڤیتی رۆزادا، جۆسێ كامپانیا و داڕیۆ ئیسوگۆ بێبەش دەبێت.
پێکهاتەی پێشبینیکراوی ریال مەدرید
لونین
ڤازكێز، ئەسینسیۆ، رودیگەر، مێندی
چوامینی ، ڤاڵڤێردی
براهیم، بێڵینگهام، رۆدریگۆ
ئێمباپێ
پێکهاتەی پێشبینیکراوی لاس پاڵماس
سێڵیسن
رۆزادا، سوارێز، ماكێنا، مونۆز
ئیسوگۆ، كامپانیا
رامیرێز، رۆدریگێز، فوستەر
سیلڤا
