یاریگا –
ئەمڕۆ لە یاریی لووتكەی پرێمەرلیگدا ئارسیناڵ میوانداری ئاستۆن ڤیلا دەكات.
وا بڕیارە ئەمڕۆ شەممە كاتژمێر 20:30 بە كاتی كوردستان ئارسیناڵ لە یاریگای ئیماراتی تایبەت بە خۆی میوانداری ئاستۆن ڤیلا بكات، لە میانی یارییەكانی گەڕی 22ی پرێمەرلیگ.
پڕۆفایلی یاری
ئارسیناڵ لەم وەرزەدا ركابەرێكی بەهێزی لیڤەرپوولە بۆ بردنەوەی نازناوی پرێمەرلیگ.
تیمەكەی میكێل ئارتێتا لەم وەرزەی پرێمەرلیگ 21 یارییان كردووە لە 12 یاریی براوە بوون، 7 یاریی یەكسان بوون و دوو یارییش دۆڕاون.
بەكۆكردنەوەی 43 خاڵ لە ریزبەندی دووەمی پرێمەرلیگ دێن.
لە بەرامبەردا ئاستۆن ڤیلا لە 21 یاریی دە یاریی براوە بووە، پێنج یاریی یەكسان بووە وشەش یاریش دۆڕاوە.
بە كۆكردنەوەی 35 خاڵ لە ریزبەندی حەوتەمی پرێمەرلیگ دێت.
هەواڵی پێكانی یاریزانەكان
ئارتێتا بە بێ گابریێل خێسوس، بوكایۆ ساكا، نوانێری، تۆمیاسو و وایت رووبەرووی ئاستۆن ڤیلا دەبێتەوە.
ڤیلا بە بێ جۆن مەكگین، پاو تۆرێس، رۆس باركلی رووبەرووی گەنەرز دەبێتەوە.
پێکهاتەی پێشبینیکراوی ئارسیناڵ
رایا
لێویس سكێڵی، سالیبا، گابریێل، تیمبێر
ئۆدیگارد، پارتی، رایس
ترۆسارد، هاڤێرتز، مارتینێلی
پێکهاتەی پێشبینیکراوی ئاستۆن ڤیلا
مارتینێز
كاش، كۆنسا، مینگز، دین
كامارا، ئۆنانا
رۆجەرز، تێلیمانس، رامسی
واتكینس
