یاریگا –
هێزێکی ئەمنی لە سلێمانی رێگری لە بەڕێوەچوونی یارییەکی ژێر 21 ساڵانیب خولی عێراقی دەکات.
هێزێکی ئەمنی لە یاریگای فەرماندەیی لە سلێمانی رێگری لە بەڕێوەچوونی یاریی نێوان پێشمەرگەی سلێمانی و نەورۆز لە خولی عێراقی ژێر 21 ساڵان دەکەن، کە وابڕیاربوو کاتژمێر 14:30 لە گەڕی دەیەمی کۆمەڵەی چوارەم بەیەک بگەن.
بەگوێرەی بەدواداچوونی تۆڕی وەرزشی یاریگا، شاندی یانەی نەورۆز دوای ئەوەی لەلایەن هێزێکی ئەمنییەوە رێگرییان لێکراوە لە یاریگای فەرماندەیی یارییەکە بکەن، یاریگاکەیان بەجێهێشتووە و ئەو یارییە لە خولی عێراقی ژێر 21 ساڵان ناکرێت.
نەورۆز بە کۆکردنەوەی 13 خاڵ پێشەنگی کۆمەڵەی چوارەمی خولی عێراقی ژێر 21 ساڵانی عێراقی گرتووە و پێشمەرگەی سلێمانیش بە 6 خاڵ پلەی شەشەمی گرتووە.
