لیڤەرپوول یاریزانێكی پاریس سانجێرمانی دەوێت

یاریگا –

یانەی لیڤەرپوولی ئینگلیزی دەیەوێت لە گواستنەوەكانی زستانەدا راندال كۆلۆ موانی یاریزانی فەڕەنسی یانەی پاریس سانجێرمانی هەمان وڵات بگوازێتەوە ریزەكانی یانەكەی.

كۆلۆ موانی لە هاوینی ساڵی 2023 لە ریزەكانی ئێنتراخت فرانکفورتەوە بە بەهای 95 ملیۆن یۆرۆ پەیوەندی بە پاریس سانجێرمانەوە كرد.

گرێبەستەكەی كۆلۆ موانی لەگەڵ پاریس سانجێرمان لە هاوینی ساڵی 2028 بەسەردەچێت.

بەگوێرەی زانیارییەكانی سكای سپۆرتس، كۆلۆ موانی ئامادەیە لە گواستنەوەكانی زستانەدا ریزەكانی پاریس سانجێرمان جێبهێڵێت.

ئاماژە بەوەشكراوە، یانەی لیڤەرپوولی ئینگلیزی گرنگی بە گواستنەوەی یاریزانەكەی پاریس دەدات و دەیەوێت لە گواستنەوەكانی زستانەدا بیگوازێتەوە ئانفیڵد.

ئاماژە بەوەشكراوە، یانەی پاریس سانجێرمان دەیەوێت یاریزانەكە لە گواستنەوەكانی زستانەدا بەشێوەی خواستن لە یانەكە بڕوات و لەگەڵ بژاردەی كڕینەوەی هەمیشەیی لە گواستنەوەكانی هاوینەدا.

لەم وەرزەدا كۆلۆ موانی 10 یاریی كردووە و توانیویەتی دوو گۆڵ بكات و گۆڵێكیش درووست بكات.