ریاڵ مەدرید لەبارەی ئاڕنۆڵدەوە پەیامی خۆیان بە لیڤەرپوول گەیاند
یاریگا –
گرنگیدانی ریاڵ مەدرید بۆ گواستنەوەی ئالێکساندەر ئاڕنۆڵد پێی ناوەتە قۆناخێکیترە و یانە ئیسپانییەکە پەیامی خۆیان بە لیڤەرپوول گەیاندووە.
ئاڕنۆڵد هاوشانی هەریەکە لە ڤێرجڵ ڤان دایک و محەمەد سەڵاح لەو ئەستێرە دیارانەی لیڤەرپوولە کە ئەم هاوینە گرێبەستەکەیان بەسەردەچێت و تا ئێستا هەڵوێستێکی روونیش بۆ درێژکردنەوەی پیشان نەدراوە.
بەگوێرەی زانیارییەکانی talkSPORTی ئینگلیزی، شاهانەکانی ئیسپانیا لیڤەرپوولیان ئاگەدارکردووەتەوە لە خواستیان بۆ گواستنەوەی ئەستێرە ئینگلیزیەکەیان.
رەنگە چیتر رێدز هێندە لە رێگریی نەکەن لە گواستنەوەکە و ئەم زستانە بە ریاڵ مەدریدی بفرۆشن تا هاوین هەروا بە خۆڕایی لە ئانفیڵدی نەڕفێنن. ئەوە و هەروەها ئاستە نایابەکەی کۆنۆر برادلی لە هەمان پێگەی ئاڕنۆڵد، ئەو نیگەرانییەی رەواندووەتەوە کە لە دوای رۆشتنی ئالێکساندەر کەلێن لەو پێگەی یانە سوورپۆشەکە دروستبێت.
ئاڕنۆڵد هەمان ئاستی ساڵانی پیشووتری پیشان نادات. لەم وەرزە لە 15 بەشداری خولی ئینگلیزی و چامپیۆنزلیگدا تەنها 2 ئەسێستی هەیە.
