یاریگا –
بەهۆی پێکان ریال مەدرید کۆمەڵێک یاریزانی دیکە لەدەستدەدات.
شەوی رابردوو لە یارییەکانی گەڕی پێنجەمی چامپیۆنزلیگ، ریال مەدرید لە ئانفیڵد بووە میوانی لیڤەرپوول و یارییەکەی 2-0 دۆڕاند.
رۆژنامەنووسی تۆڕی رێلێڤۆ خۆرخێ پیکۆن بڵاویکردووەتەوە، چەند یاریزانێکی ریال مەدرید بە ئازارەوە کۆتاییان بە یارییەکەی بەرامبەر لیڤەرپوول هێناوە و ئەگەری هەیە تووشی پێکان بووبن.
یەکلایی بووەتەوە ئێدواردۆ کاماڤینگا لە ماسولکەکانی رانی تووشی پێکان بووە، بەڵام جیا لە ئەستێرە فەڕەنسییەکە هەریەکە لە جود بێڵینگهام و ئیبراهیم دیاز لەو یاریزانانەن بە ئازارەوە یاریگایان جێهێشتووە.
Varios jugadores acabaron tocados el partido contra el Liverpool. Hoy les realizarán pruebas en Valdebebas para saber si pueden estar o no contra el Getafe. A Camavinga prácticamente se le descarta para el partido del domingo.
📲 @relevo
— Picón (@JorgeCPicon) November 28, 2024
ئەمڕۆ لە مەدرید پشکنینی پزیشکی بۆ یاریزانەکان دەکرێت، کاماڤینگا نزیکەی سێ هەفتە دووردەکەوێتەوە، دوای ئەنجامی پشکنینەکان دۆخی تەندروستی یاریزانە پێکراوەکانی دیکەش یەکلایی دەکرێتەوە.
ئێستا ریال مەدرید بەهۆی پێکان لە تواناکانی ڤینیسیۆس جونیۆر، ئێدێر میلیتاو، دانی کارڤاخال، دەیڤد ئالابا، ئۆرێلیەن چوامێنی، ئێدواردۆ کاماڤینگا و رۆدریگۆ بێبەشە و یانەکە بە دۆخێکی خراپدا تێدەپەڕێت.
Brahim acabó con una pequeña molestia, pero se espera que esté ante el Getafe. Ojalá ocurra lo mismo con Bellingham, que también acabó tocado.
— Ramón Álvarez de Mon (@Ramon_AlvarezMM) November 28, 2024
