یاریگا –
هێشتا وەرزە سەخت و دوورودرێژەکەی پرێمەرلیگ نەگەشتووەتە نیوە و دووەم راهێنەر لە ئەرکەکەی دوورخرایەوە.
کۆتاییەکانی مانگی ئۆکتۆبەری رابردوو بوو مانچێستەر یونایتد ئێریک تێن هاخی لە پۆستەکەی دوورخستەوە بەهۆی ئەنجامی خراپەوە کە دوو ساڵ زیاتربوو لەو پۆستەدابوو.
ئەمشەوی یانەی لێیستەر سیتی لە بەیاننامەیەکی فەرمیدا جیابوونەوەیان لە ستیڤ کوپەری راهێنەر راگەیاند.
We have parted company with Steve Cooper, who leaves his position as First Team Manager with immediate effect.
— Leicester City (@LCFC) November 24, 2024
کوپەر هاوینی رابردوو لەجێی ئینزۆ مارێسکا پۆستی ڕێویەکانی ئینگلتەرای وەرگرت، بەڵام دوای 12 یاری لە خولی ئینگلیزی تەنها 10 خاڵی کۆکردەوە و لە ریزبەندی 16 دێت.
کۆتا شکستی ناوبراو هەر لەسەردەستی چێڵسیەکەی مارێسکا بوو.
