یاریگا –
هانزی فلیک، راهێنەری ئەڵمانی یانەی بارسێلۆنای ئیسپانی بۆ یاریی داهاتووی یانەكەی بەرامبەر سێلتا ڤیگۆ تواناكانی لامین یامال ئەستێرە لاوەكەی لەدەستدەدات.
وا بڕیارە رۆژی شەممەی داهاتوو سێلتا ڤیگۆ لە یاریگای بالایدۆس میوانداری بارسێلۆنا بكات، لە میانی یارییەكانی گەڕی چواردەی لالیگای ئیسپانیا.
😱 Lamine Yamal se complica
✍️ @fansjavimiguel https://t.co/sdEn40dSNi
— Diario AS (@diarioas) November 21, 2024
بە گوێرەی زانیارییەكانی رۆژنامەی ئاس، چاوەڕوان دەكرێت لامین یامال لە یاریی بەرامبەر سێلتا ڤیگۆ بەهۆی هەستكردن بە ئازار لە پاژنەی پێی راستیدا نەتوانێت بەشداری بكات.
هەروەها ئاماژە بەوەشكراوە، بەشداریكردنی لاوە ئیسپانیەكە بەرامبەر برێست لە خولی یانە پاڵەوانەكان گومانی لەسەرە.
لەم وەرزەدا یامال لەگەڵ بارسێلۆنا بەشداری لە 16 یاریدا كردووە و توانیویەتی شەش گۆڵ بكات و هەشت گۆڵیش درووست بكات.
